செய்து திரும்பும்; நடைவையம - நடைத் தேரை, மேல் நடவி - மேலே
செலுத்தி, எய்யும் வாளி மழைபெய்யும் - எய்கின்ற அம்பு மழையைப்
பொழியும் எ - று.

     வையம் - தேர். நடை வையமென்றது புரவி முதலியனவின்றிச்
செலத்துந் தேரை. நடவி - நடத்தி, நடவு : பகுதி, இ : வினையெச்ச விகுதி.
ஆல் : அசை. (28)

     (இ - ள்.) வெறிகொள் - மயக்கத்தைக்கொண்ட, ஐம்பொறியை -
ஐந்து பொறிகளையும், வெல்லினும் - வென்றாலும், பொருது - போர்
செய்து, வெல்லுதற்கு அரிய - வெல்ல முடியாத, காலனை - கூற்றுவனையும்,
முறியவெல்லினும் - புறங்கொடுக்க வென்றாலும், வெலற்கு அரும் -
வெல்லுதற்கு முடியாத, கொடிய முரணவாய் - கொடிய வலியையுடையன
வாய், அமரர் அரண் எலாம் - தேவர்களின் அரண்முதலிய எல்லா
வற்றையும், அறிவினால் நிறுவு கம்மியன் - நினைத்தலினாலேயே படைக்கும்
தேவதச்சன், செயவும் அரியவாய் - செய்யவும் இயலாதனவாய், யவனர்
புரியும் - யவனர்களால் செய்யப்பெற்ற, இப்பொறிகள் செய்யும் வினை
இன்ன - இம்மமிற் பொறிகள் செய்கின்ற தொழில்கள் இத் தன்மையன;
பொன்புரத்து - அழகிய அதுரைமா நகரத்தின், வீதிகள் அணி உரைத்தும்
- வீதிகளின் அழகைச் சொல்வாம் எ - று.

என்னுந் திருநேரிசை யானுமறிக. யவனர் - கிரேக்க தேசத்தார்; இவர்கள்
பண்டை நாளிலே தமிழ் நாட்டிற் போந்து தமிழரசர்க்கு வாயிற்காத்தல்
முதலிய ஊழியம் புரிவோராயும், வேறுபல தொழில் செய்வோராயுமிருந்தனர்;
இவர்கள் மிலேச்சர் எனவும் சோனகர் எனவும் படுவர்; எகிப்து முதலிய
தேசத்தினரையும் யவனரென்னும் பெயருக்குட்படுத்தல் பொருந்தும். இவர்கள்
சிற்பம்வல்லராயிருந்த செய்தி பழைய தமிழ்நூல் பலவற்றானும்
அறியப்படுகின்றது. தமிழரசர்கள் யவனரது நாட்டினையும்
அடிப்படுத்தாண்டிருக்கின்றன ரென்பது,

என்னும் சிலப்பதிகாரத்து நடுகற் காதையா லறியப்படுகின்றது. யவனர்
புரியும் என்பதற்குத் தண்டமிழ் வினைஞர் தம்மொடுங் கூடி யவனரியற்றிய
என்பது கருத்தாகக் கொள்க. ஆல் : அசை.