(இ - ள்.) விழா அறா வீதி - திருவிழாக்கள் நீங்கப் பெறாத
வீதிகள், கழையும் - கரும்புகளையும், தாமமும் - பூ மாலைகளையும்,
சுண்ணமும் - வாசனைப் பொடிகளையும், மணி நிழல் கலனும் -
இரத்தினங்களாலாகிய ஒளியையுயை அணிகளையும், குழையும் -
மாந்தளிர்களையும், தூபமும் தீபமும் கும்பமுந் தாங்கி - தூபங்களையும்
தீபங்களையும் பூரண கும்பங்களையும் தாங்குதலால், (கழையும் தாமமும்
சுண்ணமும் மணி நிழல்கலனும் குழையும் - கருப்புவில் எழுதிய
தொய்யிலையும் பூமாலைகளையும் வாசனைப் பொடிகளையும் ஒளியையுடைய
இரத்தினாபரணங்களையும் குண்டலங்களையும் அணிந்து, தூபமும் தீபமும்
கும்பமும் - தூபதீப கும்பங்களாகிய மங்கலங்களை, தாங்கி - ஏந்தி)
தழையும் காதலர் - தழைகின்ற காதலையுடைய தலைவரின், வரவு பார்த்து
- வருகையை நோக்கி, அகம் அன்பு ததும்பி விழையும் - உள்ளத்தின்கண்
அன்பு நிரம்பி விரும்பி நிற்கின்ற, கற்பினார் ஒத்தன - கற்பினையுடைய
மகளிரை ஒத்தன எ - று.

     மகளிர்க்குச் சொல்லுங்கால், கழை - கரும்புவில் வடிவாக எழுதப்
பெற்ற தொய்யில்; கழை, தாமம் முதலியவற்றை அணிந்து என்றும், தூபம்
முதலியவற்றை ஏந்தி என்னும் கொள்க. நிழல் - ஒளி. நிழற் கலன் -
கண்ணாடி என்னலும் ஆம்; படிமக்கலன் என்னும் பெயரும், கண்ணாடி
அட்டமங்கலதது ளொன்றாதலும் நோக்குக. ரவு பார்த்து என்றமையாற்
பிரிந்து சென்ற காதலரின் வருகையை எதிர் நோக்கி யென்க. பிரிதல் ஓதல்
முதலியன குறித்தாம்;

என்பது இறையனார்களவில். (30)

     (இ - ள்.) ஆலம் நின்ற - நஞ்சு நிலைபெற்ற, மாமணி மிடற்று
அண்ணல் - பெருமை பொருந்திய நீலமணிபோலும் திருமிடற்றினை யுடைய
இறைவனின், ஆனந்தக்கோலம் நின்ற - இன்பவடிவம் நிலைபெற்ற,
சேவடிநிழல் - சிவந்த திருவடி நீழலில், குறுகினார்குணம்போல் - (பிறவி
வெப்புத்தணிய) அடைந்தவர்கள் (ஆனந்தக் கண்ணீர்சொரிய நிற்கும்)
தன்மைபோல், சந்திரகாந்த மாளிகை - சந்திரகாந்தக் கற்களாலாகிய
மாளிகைகள், வேலைநின்று எழு - கடலினின்றும் எழுகின்ற, மதி எதிர் -