(இ - ள்.) அண்டங்கள் எல்லாம் - எல்லா அண்டங்களும்,
அணுவாக - அணுவாகத் தோன்ற, பெரிதாய் - பெரிய பொருளாகி,
அணுக்கள் எல்லாம் - எல்லா அணுக்களும், அண்டங்களாக -
அண்டங்களாகத் தோன்ற, சிறிதாயினானும் - நுண்பொருளாயினானும்,
அண்டங்கள் உள்ளும் புறம்பும் - அண்டங்களின் அகத்தும் புறத்தும், கரி
ஆயினானும் - சான்றாயினானுமாகிய இறைவனை, அண்டங்கள் ஈன்றாள் -
அவ்வண்டங்களைப் பெற்ற உமையம்மையாருக்கு, துணை என்பர் -
துணையாக நிற்பவன் என்று சொல்லுவர், அறிந்த நல்லோர் - மெய்
உணர்ந்த பெரியோர் எ - று.

     நிரனிறை கொண்டு கூட்டி உரைக்கப்பட்டது. இறைவன் அண்டங்கள்
எல்லாம் அணுவாகப் பெரிதாயிருக்குந் தன்மை,

எனத் திருவாசகத்துள் ஓதப்பட்டது.

திருவிசைப்பாவிலும்,

எனப் பெரிதும் சிறிதுமாந்தன்மை கூறப்பெற்றமை காண்க. ஆயினானு
மென்புழி, ஆயினானுக்கும் எனக் குவ்வுருபு விரித்துப் பொருளுரைத்தலுமாம்.
(6)

     (இ - ள்.) பூ இல் நாயகன் - தாமரை மலரை இருக்கையாக வுடைய
அயனும், பூமகள் நாயகன் - செந்தாமரை மலரில் இருக்கும் திருமகளின்
தலைவனாகிய அரியும், காவின் நாயகன் - கற்பகத் தருவிற்குத்
தலைவனாகிய இந்திரனும், ஆதி - முதலான, கடவுளர்க்கு - தேவர்கட்கு,
ஆவிநாயகன் - பிராணநாதனும், அம்கயல் கண்ணி - அழகிய கயல்
போன்ற கண்களையுடையவராகிய, மாதேவி நாயகன் - பெருமை
பொருந்திய