(இ - ள்.) இழிபவர் - இழிகுலத்தோர், உயர்ந்தோர் - உயர்
குலத்தோர், மூத்தோர் - முதியோர், இளையவர் - இளைஞர், கழயா
நோயால் கழிபவர் - நீங்காத நோயினால் மெலிகின்றவர், யாவரேனும் -
(ஆகிய) யாவராயினும், கண் வலைப்பட்டு - தம் கண்களாகிய
வலைகளி லகப்பட்டு, நெஞ்சம் அழிபவர் பொருள்கொண்டு - மனம் வருந்து
கின்றவர்களின் பொருளைக் கைக்கொண்டு, எள்ளுக்கு எண்ணெய் போல் -
எள்ளுக்கு எண்ணெய் அளந்து கொடுப்பது போல், அளந்து காட்டி -
அப்பொருளுக்குத்தக அளந்து காட்டி, பழிபடு - பெரியோர் களால்
பழிக்கப்படுகின்ற, போகம் விற்பார் - கலவியின்பத்தை விற்கின்ற
புறப்பெண்டிரின், ஆவணப்பண்பு - வீதியின் தன்மையை, சொல்வாம் -
பகருவாம் எ - று.

     எள்ளுக்கு என்றமையின் நெய்யெனவே அமையுமெனினும்
விளக்குதற் பொருட்டு எண்ணெய் என்றார்; வழக்கு நோக்கி யெனினுமாம்.
மிகைகுறையின்றி யென்பார் அளந்து காட்டியென்றார். விற்பாரென்ற
தற்கேற் ஆவணம் என்றார். (46)

     (இ - ள்.) மைபடு கண்ணார் - மையளாவிய கண்களையுடைய விலை
மகளிர், மெய்படும் அன்பினார் போல் - உண்மையான அன்புடையாரைப்
போல, விரும்பினார்க்கு - விரும்பிய ஆடவருக்கு, அருத்தும் - ஊட்டுகின்ற,
தங்கள் பொய்படும் இன்பம் - தம்முடைய பொய்யாகிய இன்பக்
கலவிகளை, யார்க்கும் - அனைவருக்கும், புலப்பட - விளங்க, தேற்றுவார்
போல் - தெளிவிப்பார் போல், காமன் மறைப் பொருள் - காமநூலுட் கூறும்
கலவிக்கரணங்களை, விளங்கத் தீட்டி - விளங்கும்படி எழுதிவைத்தும்,
கைபட - கைபடுங்கால், சுவராய்த்தோன்றவும் - சுவராகத் தோன்றவும்,
சித்திரம் காணச் செய்வார் - சித்திரங்களைப் புலப்படுத்துவார்கள் எ - று.

     மெய்படு மன்பினார் போல் என்றமையின், அவர் பொய்யன்புடையார் என்பதாயிற்று. இன்பமென்றது, கலவிக்கரணங்களை தாம் அவை