வல்லராதலைக் காட்டவும், அவை அறியாத ஆடவர் அறிந்துகொள்ளச்
செய்யவும் என்பார் புலப்படத் தேற்றுவார்போல் என்றார். காமன்
மறைப்பொருள் - கலவிக்கரணம்; ஓவியங்கள் மெய்யாய ஆடவர் மகளிர்
போன்று தோன்ற என்பார் ‘கைபடச் சுவராய்த் தோன்ற’ என்றார்; ஓவியத்
தொழிலின் சதுரப்பாடு கூறியவாறு. (47)

     (இ - ள்.) காமுகரை மருவி - (பொருட்பெண்டிர்) காமுகரைச்
சேர்ந்து, திருவில் கால் - அழகிய ஒளியை வீசுகின்ற, மணிப்பூண் ஆகம்
- மணிகளாலாகிய அணிகளை யணிந்த (அவர்) மார்பையே, பலகையா -
பலகையாகக் கொண்டு (அதிலே), தெண் முத்து ஆரம் - தெளிந்த முத்து
மாலையாகிய, அருவிகால் - அருவியை ஒழுக்குகின்ற, வரை மென்
கொங்கை - மலை போன்ற மெல்லிய கொங்கைகளாகிய, சூது -
வல்லுகளை, ஒட்டி - ஒற்றி (பணயம் வைத்து), ஆடி வென்றும் - ஆடி
வெற்றி பெற்றும், தங்கள் - தங்களுடைய, வடிக்கண் வேல் - மாவடுப்
போன்ற கண்களாகிய வேல்கள், மார்பன் தைப்ப - (அவர்கள்) மார்பிற்
றைக்கும்படி, கருவி - கருவியாகிய, சூது ஆடி வென்றும் சூதினை
வென்றும் - (அவர்) கைப் பொருள்களைக் கவர்ந்து கொள்வார்கள் எ - று.

     கொண்டு அதில் என்னுஞ் சொற்கள் வருவிக்கப்பட்டன. ஒட்டி
யென்பதற்குக் கொங்கைக் கேற்பப் பொருந்தச் செய்து என்றும், சூதிற்
கேற்பப் பந்தயடம வைத்து என்றும் பொருள் கொள்க. வடி - மாவடு;
கூர்மை யெனினும் பொருந்தும். வடிக்கண் வேல் மார்பந் தைத்தலைக்
கலவிப் போருடனும் சூதுப் போருடனும் இயைத்துக் கொள்க. கருவிச் சூது
- கருவியாலாடுஞ் சூதெனலுமாம். கருவி - சூதாட்டத்திற்குரிய கவறு,
வல்லு முதலியன. இருவகை வென்றி யாலும் பொருள் கவர்வாரென்றார்.
(48)

     (இ - ள்.) (பரத்தையர்) தண்பனி நீரில் தோய்த்த - குளிர்ந்த பனி
நீரில் நனைத்த, மல்லிகைத் தாமம் நாற்றி - மல்லிை மலர்மாலைகளைத்
தொங்கவிட்டு, விண்படு மதியம் தீண்டும் - ஆகாயத்திற்