சிறிது - சில. அரசிருக்கை - அரியணை. வினையெலாம் வென்று -
வினைகளை எஞ்சாமற் கெடுத்து. கழல் : ஆகுபெயர். இரண்டறக்
கலந்தென்பார் ‘பின்னிக் கலந்து’ என்றார். (2)

     (இ - ள்.) குரவன் செங்கோல் கைக்கொண்ட குலோத்துங்க வழுதி -
தந்தையினது செங்கோலைக் கையிற்கொண்ட குலோத்துங்க பாண்டியன்,
செங்கண், அரவு அங்கம் பூண்ட கூடல் ஆதி நாயகனை - சிவந்த
கண்களையுடைய பாம்புகளைத் திருமேனியில் அணிந்த மதுரையில்
எழுந்தருளிய சோமசுந்தரக்கடவுளை, நித்தம் அன்பின் பரவு வழிபாடு
ஆனாப் பத்திமை நியமம் பூண்டான் - நாடோறும் அன்பினாற் பூசிக்கும்
வழிபாடாகிய நீங்காத பத்தி நியமத்தை மேற்கொண்டவன்; இரவு அஞ்சும்
கதுப்பின் நல்லார் ஈரையாயிரவர் உள்ளான் - இருளும் அஞ்சுங்
கூந்தலையுடைய மனைவியர் பதினாயிரவரை யுடையவன்.

     குரவன் - தந்தை. அரவினையும் என்பினையும் அணிந்த என்றுமாம்.
வழிபாடாகிய நியமம் என்க. நியமம் - செய்கடன். பூண்டான்; அவன்
உள்ளவனாயினான்; என முற்றாக வுரைத்தலுமாம். கூந்தலின் கருமைக்கு
முன்னிற்கலாற்றாது இரவும் அஞ்சு மென்க. (3)

     (இ - ள்.) ஒவ்வொருத்திக்கு அவ்வாறாய் - ஒவ்வொரு மனைவிக்கும்
ஆறு ஆறாக, அப்பதினாயிரவர்க்கும் - அந்தப் பதினாயிரம் மகளிர்க்கும்,
ஒப்பு அரிய அறுபதினாயிரம் குமரர் உளர் - ஒப்பில்லாத அறுபதினாயிரங்
கமரர்கள் உளராயினார்; அவருள் - அக்குமரருள்? மதல் பிறந்த மைந்தன் -
முதலிற் றோன்றி புதல்வன், செப்பு அரிய வல் ஆண்மைச் சிங்க இள ஏறு
அனையான் - சொல்லுதற்கரிய வலிய ஆண்மையையுடைய இளமை
பொருந்திய ஆண்சிங்கத்தை ஒத்தவன்; வைம்பு அனையான் - வைப்பு
நிதியைப் போன்றவன்; பேர் அனந்த குணன் - அவன் பெயர்
அனந்தகுணன்.

     ஒருத்தி, ஆறு என்பன இரட்டித்த வழி ஒவ்வொருத்தி, அவ்வாறு
என்றாயின; "எண்ணிறையளவும்" "ஒன்ப தொழித்தவெண் ணொன்பது
மிரட்டின்" என்னும் நன்னூற் சூத்திரங்கள் நோக்குக. ஆக்கச்
சொற்கொடுத்து உளராயினார் என விரிக்க. வல்லாண்மை - மிக்க
ஆண்மை. (4)