(இ - ள்.) மண் தொடும் கருவிப் படை வன் கையில் கொண்டு
- மண் வெட்டுங் கருவியாகிய படையினைத் தனது வலிய கையிலேந்தி,
தாதை குரவன் என்று ஓர்கிலான் - தன் தந்தையை ஐங்குரவருள்
ஒருவனென்று அறியாதவனாய், ஆய் முகத்து உண்ட காம நறவால்
உணர்வு இலான் - தாயினிடத்துப் புணர்ந்து நுகர்ந்த காமமாகிய கள்ளினால்
அறிவிழந்த பாவி, துண்டமாகத் துணித்தனன் - (அவனைத்) துண்டு பட
வெட்டினான்.

     மண்டொடுங் கருவி - மண் வெட்டி. கருவிப்படை : இருபெயரொட்டு.
வன்கை - கொலை செய்யுங் கை. ஐங்குரவரிவரென்பதனையும், அவரை
வழிபட வேண்டுமென்பதனையும்,

என்னும் ஆசாரக்கோவையாலுணர்க. 'தாய்முகம்' - முகம் : ஏழன்
உருபு. (12)

     (இ - ள்.) மைக்கருங் கங்குல்வாய் - மைபோலும் கருமையாகிய
இரவின்கண், கொன்ற தாதைக்கு - தன்னாற் கொல்லப்பட்ட தந்தைக்கு,
தக்க தீத்தவிசு இட்டு - பொருந்திய தீயாகிய படுக்கையமைத்து, அன்னை
தன்னொடும் கைக்கு அடங்கு பொருளொடும் கல்நெறி புக்கனன் -
தாயோடும் சுமக்கத் தகுந்த பொருளோடும் கற்கள் பொருந்திய சுர
நெறியை அடைந்தனன்; புளிநர் புடை சூழ்ந்தார் - ஆறலைக்கும்
வேடர்கள் அவனைச் சுற்றிலும் வளைந்து கொண்டனர்.

     இருள் மைபோலுமென்பது,

     என்னும் பெரியபுராணச் செய்யுளிற் புனைந்துரைக்கப் பட்டிருத்தல்
காண்க. கொன்ற : செயப்பாட்டுவினை. தீத்தவிசு - ஈமத் தீயாகிய படுக்கை;
ஈமப் பள்ளியிற் கிடத்தியெரித்தென்க. கைக்கடங்கு பொருள் - கையில்
எடுக்கலான பொருள். (13)