(இ - ள்.) அழிதகன் குறுகுவான் முன் - அத் தீநெறிப்பட்ட பாதகன்
அங்கு வருதற்கு முன், அங்கயற்கண்ணி - அங்கயற்கண் அம்மையார், தந்தக்
குழை இரு காதும் கோத்து - தந்தத்தாலாகிய குண்டலங்களை இரு
செவியிலும் நுழைவித்து, கொலைகெழு புலிப்பல் தாலி நுழை - கொலை
பொருந்திய புலியின் பல்லாகிய காலி கோத்த, மயிர் பின்னல் நெடுநாண் -
மயிராற் பின்னிய நீண்ட மங்கல நாணினை, நோன்பிடர் அலைப்பப் பூண்டு
- பெருமை பொருந்திய பிடரில் அசைந்தலையத் தரித்து, பழிதகையாத ஓர்
வேடப் பாவையாய் படிவம் கொள்ள - பழிக்குந் தன்மையில்லாத ஒரு
வேடமகளாய்த் திருவுருவங்கொள்ள.

     குறுகுவான், எச்சமாயிற்று. நுழை - கோத்தவெனப் பிறவினைப்
பொருட்டு. தகையில்லாத என்பது தகையாத என நின்றது. (21)

     (இ - ள்.) கொலை இரும் பழிக்கு அன்று அஞ்சும் கூடல் எம்
பெருமான் - கொலையாலாம் பெரிய பழிக்கு அன்று அஞ்சிய மதுரையி
லெழுந்தருளிய எம்பெருமானாகிய சோமசுந்தரக் கடவுள், கொன்றைமிலை
இருங் குஞ்சி வேங்கை மெல் இணர்க்கண்ணி வேய்ந்து - கொன்றைமாலை
யணிந்த நீண்ட சிகையின்கண் வேங்கையின் மெல்லிய
பூங்கொத்துக்களாலாகிய மாலையையணிந்து, கலை இரு மருப்பில் கோடி
காது அளவும் ஓடும் தாடி - கலைமானின் இரு கொம்பைப் போல் வளைந்து
காது மட்டுஞ் சென்ற மீசையையும், சிலை இருந்தடக்கை - வில்லையேந்திய
நீண்ட பெரிய கையையுமுடைய, வேடத்திரு உருக் கொண்டு தோன்றி -
வேடத் திருவுருவங்கொண்டு தோன்றியருளி.

     அன்று பழிக்கஞ்சியவர் இன்று பாதகத்திற் கஞ்சினாரென்பது தோன்றக் கூறினார். முறுக்குடன் வளைந்து இருபுறமும் மேலே சென்றிருப்பதற்குக் கலை மருப்பு உவமை. தாடியும் தடக்கையும் உடையவென விரிக்க. (22)

     (பா - ம்.) * கொலையெழு.