- மின்னலையொக்க. இறைவனுடன் இறைவி திருவுருக் கரந்தமைக்குக் கூறிய இவ்வுவமை மிகப் பாராட்டற்குரியது. (37)

     (இ - ள்.) ஆததாயியும் கண்டு ஆனாத அற்புதம் அடைந்து - மா
பாதகனும் அதனைப் பார்த்து நீங்காத வியப்பினை எய்தி, கூடல் நாதனார்
நவின்றவாற்றால் - மதுரை நாயகன் கூறியருளிய நெறியே, நல் நெறி விரதச்
செய்கை மாதவ ஒழுக்கம் தாங்கி வருமுறை - நல்வழிக் கேதுவாகிய விரதச்
செயலையும் பெரிய தவவொழுக்கத்தையும் மேற்கொண்டு செய்து
வருமுறைமையால், மதியம் மூன்றில் பாதகம் கழிந்து தெய்வப் பார்ப்பன
வடிவமானான் - மூன்று மாதங்களிலே பாதகமுற்றுந் தொலைந்து தெய்வத்
தன்மை பொருந்திய பார்ப்பன வடிவமாயினான்.

     ஆததாயி - கொடியோன்; நஞ்சிடுவார், தீக்கொளுவுவார் கருவியாற்
கொல்வார் முதலாயினோரை வடநூலார் ஆததாயிகள் என்ப; "கொலையிற்
கொடியாரை வேந் தொறுத்தல்" என்னுங் குறளுரையிற் பரிமேழலகர்
எழுதியிருப்பது நோக்குக. ஆதனாங்கது கண்டு என்பது பாடமாயின்
அறிவில்லான் அதனைக் கண்டு என்பது பொருளாகும். முன்னுள்ள
நிலைமையினும் உயர்ந்த நிலைமை எய்தினாளென்பார் 'தெய்வப் பார்ப்பன
வடிவ மானான்' என்றார். (38)

     (இ - ள்.) புண்ணிய மறையோன் - அங்ஙனம் புண்ணிய வடிவாகிய
அந்தணன், சொல் பதம் கடந்த எந்தை சுந்தரநாதன் தாளில் - சொல்லி
னெல்லையைக் கடந்த எம் தந்தையாகிய சோமசுந்தரக் கடவுள் திருவடியில்,
பற்பல வட சொல் மாலை பத்தியில் தொடுத்துச் சாத்தி - பற்பல
வடமொழியாலாகிய பாமாலைகளைப் பத்தியுடன் தொடுத்து அணிந்து, தற்பர
அறிவு ஆனந்தம் தனி உருவு உடைய சோதி - உண்மையறிவானந்த
மென்னும்ஒப்பற்ற திருவுருவையுடைய பரஞ்சுடராகிய சோமசுந்தரக் கடவுளின்,
பொன் பாதம் மருங்கில் புக்கான் - அழகிய திருவடியின் கண்ணே
கலந்தனன்.இறைவன் சொற்பதங் கடந்தா னாதலை,

என்று திருவாசகங் கூறுதல் காண்க. வட நாட்டினனாகலின்
வடசொன் மாலை தொடுத்துச் சாத்தினனென்க. பத்தி - அன்பு. வரிசை.
தற்பரம் - உண்மை யென்னும் பொருட்டு. அம்மா : வியப்பிடைச் சொல். (39)

     (பா- ம்.) * ஆதனாங்கது கண்டு.