சமயமுண்டோ என்று, என்றும் அடுத்து அடுத்து அஞ்சாது கேட்டு கேட்டு
அகல்வானாக - நாள்தோறும் அடுத்தடுத்துச் சிறிதும் அஞ்சாது கேட்டுக்
கேட்டு நீங்க, நடைத்தொழில் பாவை அன்ன நங்கை வாளா இருந்தாள் -
நடக்குந் தொழிலையுடைய பாவை போன்ற அம்மாதராள் ஒன்றும் பேசாது
சும்மா இருந்தாள்.

     அடுக்குகள் பன்மைப் பொருளில் வந்தன. தோண்டுந் தோறும்
பொறுக்கும் நிலம் போலும் பொறுமையென்னுங் கருத்தினை,

என்னுந் திருக்குறளிற் காண்க. இடன் - சமயம். ஏகாரம் வினா. நடைத்
தொழிற் பாவையன்னாள் என்றது இல் பொருளுவமம். (7)

     (இ - ள்.) பின் ஒரு பகல் போய் செங்கை பிடித்தனன் வலிப்ப
பின்பு ஒரு நாள் சென்று அவள் சிவந்த கையைப் பிடித்து இழுக்க தனிமனக்
காவல் பூண்டாள் - ஒப்பில்லாத மனமாகிய காவலையுடைய அந்நங்கை,
தள்ளிவல் நிலைக்கதவம் நூக்கித் தாழக்கோல் வலித்து - அவனைப் புறம்பே
தள்ளி வலிய நிலையையுடைய கதவினைச் சாத்தித் தாழிட்டு, மாண்ட தன்
நிலை காப்புச் செய்தாள் - மாட்சிமைப்பட்ட தனது கற்பு நிலையைக்
காத்துக் கொண்டனள்; அந்நிலை பிழைத்த தீயோன் அனங்கத்தீ வெதுப்பப்
போனான் - அப்பொழுது தன் எண்ணம் தப்பிய அக்கொடியோன் காமத்
தீயானது சுடச் சென்றான்.

     பிடித்தனன் வலிப்ப - வலிதிற் பற்றியிழுக்க. தாழக்கோல் : தாழாகிய
கோல்; அக்குச் சாரியையென்று தொல்காப்பியரும், அகரம் சாரியையென்று
நன்னூலாரும் கூறுவர்;

என்பது தொல்காப்பியம். மனக்காவல் - மனத்தைக் கற்பு நெறியில் நிறுத்துங்காவல்; இது நிறையெனப்படும்;

என்பது திருக்குறள். பிழைத்த - தவறு செய்த என்றுமாம். (8)