(இ - ள்.) தோய்ந்திடும் பொழுது - (தன்னில்) மூழ்கும் பொழுதில்,
ஈட்டிய தொல்வினைப் படலம் மாய்ந்திடும்படி மாய்த்து - தேடி வைத்த
பழவினைத் தொகுதி நசிக்குமாறு சிதைத்து, நின் மங்கல போகம்
ஈந்திடும்படிக்கு இருந்த - நினது நன்மையாகிய போகத்தை அருளும்படி
அமைந்த, மாதீர்த்தத்தின் பொய்கையின் தன்மையை ஆராயுங்கால், அதற்கு
ஒரு தீர்த்தம் ஒப்பு ஆமோ - அதற்கு மற்றொரு தீர்த்தம் ஒப்பாகுமோ?

     ஈட்டிய - பல பிறவிகளிலும் தேடிய. தொல்வினைப் படலம் - சஞ்சித
கன்மத் தொகுதி. நின் மங்கலபோகம் என்றது சிவபோகத்தை. படிக்கு, கு :
பகுதிப் பொருள் விகுதி. (31)

     (இ - ள்.) எத்தலத்தினும் ஒவ்வொன்று விழுமிதாம் - எந்தத்
தலங்களிலும் மூர்த்தியும் தீர்த்தமும் தலமுமாகிய மூன்றனுள் ஒவ்வொன்று
சிறப்புடைத்தாகும்; இந்த மெய்த்தலத்தில் இம் மூவகைச் சிறப்பும் விளங்கும்;
ஆதலால் - ஆதலினால், அத்த - இறைவனே, இத்தலம் - இப்பதியானது,
அடைந்தவர் எவர்க்கும் - தன்னைச் சார்ந்தவரனைவருக்கும், சித்தசுத்தியும்
பல்வகைச் சித்தியும் பயக்கும் - மனத் தூய்மையையும் அணிமா முதலிய
பலவகைச் சித்திகளையும் அருளா நிற்கும்.

     மேல் மூன்று செய்யுட்களால் தலம், மூர்த்தி, தீர்த்தம் என்பவற்றின்
சிறப்பு முறையே கூறப் பெற்றமையின் அவற்றைச் சுட்டி 'இம் மூவகை
விழுப்பமும்' எனப்பட்டது. (32)

     (இ - ள்.) அடியனேன் எண்ணும் கருமமும் சரதமே ஆக முடியுமாறு
அரிது அடியேன் எண்ணிய செயலும் உண்மையாக முடியுந்தன்மை அரிதோ;
அச் செயல் எப்படி முடியும் அப்படி - அச் செயலானது