தமர் - சிவகணங்கள். ஆட - நடிக்க, திருவிளையாடல் செய்ய. நீலம்
என்பது கடைக்குறையாயிற்று. இது தற்குறிப்பேற்றவணி. (19)

     (இ - ள்.) அண்ணல் சாமந்தன் - பெருமையுடையனாகிய சுந்தர
சாமந்தன், புண்ணிய மனையில் போகி - அறம் நிலைபெற்ற தன் இல்லிற்
சென்று, புலர்வது எப்போழ்து என்று எண்ணி - விடிவது எப்போது என்று
கருதி, துஞ்சான் - தூங்காமல், அடிக்கடி எழுந்து - அடிக்கடி எழுந்தெழுந்து,
வானத்து எண் நிறை மீனம் நோக்கி - வானின்கண் உள்ள எண் மிக்க
மீன்களை நோக்கி, நாழிகை எண்ணி எண்ணி - நாழிகையை எண்ணி
யெண்ணி, கண்ணுதல் எழுச்சி காண்பான் - சோமசுந்தரக் கடவுளின்
வருகையைக் காணுதற்கு, கங்குல் எல்லாம் அளந்தனன் - இரவு முழுதையும்
அளந்தனன்.

     அண்ணல் சாந்தன், உயர்திணைப் பெயராகலின் வலி வர இயல்பாயிற்று. மீனம் - நாண் மீன்கள். இருபத்தேழு நாண்மீன்களில் உச்சியில் வருவதனைக்
கொண்டு இரவு நாழிகை கணிக்கப்படும். எழுச்சி - எழுந்தருளுகை. இரவில்
சென்ற நாழிகை இத்துணை, நின்ற நாழிகை இத்துணை என்று பன்முறையும்
எண்ணினமையின் 'கங்குலெல்லாம் அணந்தணன்' என்றார். துஞ்சான் :
முற்றெச்சம். காண்பான் : வினையெச்சம். (20)

     (இ - ள்.) தெருள் தரு மறைகள் தேறாச் சிவபரஞ்சுடர் - அறிவை
விளக்குகின்ற மறைகளுந் தெளியாத சிவபரஞ்சோதி, ஓர் அன்பன் பொருட்டு
ஒரு வடிவம் கொண்டு - ஓர் அன்பன் காரணமாக ஒரு திருவுருவங்
கொண்டு, புரவிமேற் கொண்டு போதும் - குதிரை மேற்கொண்டு வருகின்ற,
அருள் படை எழுச்சி காண்பான் போல - அருட்படையெழுச்சியைக் காண
வந்தவன் போல, ஆர் கலியில் மூழ்கி - கடலில் முழுகி, இருள் துகள் கழுவி
- இருளாகிய அழுக்கினைப் போக்கி, தூய இரவி வந்து உதயம் செய்தான் -
தூயனாகிய பரிதி வந்து தோன்றினான்.

     தெருள் - தெளிந்த அறிவு. தெருட்டு எனப் பிரித்து, உயிர்கட்கு விதி
விலக்குகளைத் தெளிவிக்கின்ற என்றுரைத்தலுமாம். அருளினாலாகிய
படையெழுச்சி என்க. படையெழுச்சி - படையுடன் புறப்படுதல். பெரியாரைக்
காண வருவார் நீராடித் தூயவுடம்புடன் வருவராகலின் இரவியும் அங்ஙனம்
வந்தான் என்றார். இதுவும் தற்குறிப் பேற்றவணி. (21)

     (பா - ம்.) * சுடரோ னன்பன்.