(இ - ள்.) ஐய இவர் குலிங்கர் - ஐயனே இவர் குலிங்க நாட்டினர்;
ஐய இவர் கொங்கணர்கள் - ஐயனே இவர்கள் கொங்கண நாட்டினர்கள்;
ஐய இவர் தெலுங்கர் - ஐயனே இவர் தெலுங்கநாட்டினர்கள்; ஐய இவர்
சிங்களர்கள் - ஐயனே இவர்கள் சிங்களநாட்டினர்கள்; ஐய இவர் கலிங்கர் -
ஐயனே இவர் கலிங்க நாட்டினர்; ஐய இவர் கவுடத்தர் - ஐயனே இவர் கவுட
நாட்டினர்; ஐய உலம் கெழு புயத்து இவர்கள் ஒட்டியர்கள் - ஐயனே திரண்ட கற்போலும் புயத்தினையுடைய இவர்கள் ஒட்டிய நாட்டினர்கள். (31)

     (இ - ள்.) யை இவர் கொல்லர் - ஐயனே இவர் கொல்லநாட்டினர்;
ஐய இவர் கூர்ச்சரர்கள் - ஐயனே இவர்கள் கூர்ச்சர நாட்டினர்கள்; ஐய இவர் பல்லவர் - ஐயனே இவர் பல்லவநாட்டினர்; ஐய இவர் பப்பரர்கள் - ஐயனே
இவர்கள் பப்பர நாட்டினர்கள்; ஐய இவர் வில்லர் - ஐயனே இவர்கள்
வில்லர்கள்; ஐய இவர் விதேகர் - ஐயனே இவர் விதேகநாட்டினர்; ஐய இவர்
கல் ஒலி கழல்புனை கடாரர் - ஐயனே இவர் கல்லென்னும் ஒலியையுடைய
வீரக்கழலையணிந்த கடார நாட்டினர்.

     பல்லவர் என்பது பல்லர் என நின்றது. வில்லர் - விற்கொடியை
யுடைய சேரரின் நாட்டினர். கல்லென்னு மொலி என்பது எல்லொலி என
நின்றது. (32)

     (இ - ள்.) இவர்கள கேகயர்கள் - இவர்கள் கேகயநாட்டினர்கள்;
கேழ்கிர் மணிப்பூண் இவர் மாகதர்கள் - ஒளி விளங்கும் மணிகள் பதித்த
அணிகளை யணிந்த இவர்கள் மகத நாட்டினர்கள்; இவர் மராடர் - இவர்
மராடநாட்டினர்; இவர்கள் காஞ்சிநாகரிகர் - இவர்கள் காஞ்சி நாட்டிலுள்ள
நாகரிகமுடையவர்கள்; இவர் நம்முடைய நாட்டோர் ஆகும் - இவர் நமது
நாட்டினராவர்; என என்று, மெய்க் காட்டி அறிவித்தான் - அவரவர்
உருவினைக் காட்டித் தெரிவித்தான்.

     ஆல் மூன்றும், தாம் என்பதும் அசைகள். காஞ்சி நாகரிகர் என்றது
சோழரை யாதல்வேண்டும். (33)

     (பா - ம்.) * மெய்காட்டி.