சோமசுந்தரக் கடவுள், குறை இரக்கும் ஆளாம் அரசன் - குறையிரவா நின்ற
அடியனாகிய அரசனது, தவறு சிறிது அகம் கொண்டு - தவற்றினைச் சிறிது
திருவுள்ளத்திற் கொண்டு, அதனைத் திருச் செவியில் கேளார்போல வாளாது
இருப்ப - அவள் மொழியைத் தனது திருச் செவியிற் கேளாதவர் போலச்
சும்மா இருப்ப, மனையில் கிடைத்து - மன்னன் தனது மாளிகையிற் சென்று,
அமலன் தாள் ஆதரவுபெற நினைந்து - இறைவனது திருவடியை அன்புமிகச்
சிந்தித்து, தரையில் கிடந்து துயில்கின்றான் - தரையிற் படுத்து
உறங்குவானாயினன்.

     கோள் என்பதற்கு வலிமை என்றும் ஆடு என்பதற்குக் கொலை
என்றும் உரைத்தலுமாம். இரக்கும் அரசன் ஆளாம் அரசன் எனத் தனித்தனி
இயையும். வாளா என்னும் சொல் வாளாது வாளாங்கு என்றிங்ஙனம் திரிந்தும்
வழங்கும். கிடைத்து - அடுத்து. (6)

     (இ - ள்.) அங்கண் - அப்பொழுது, வெள்ளி அம்பலத்துள் ஆடும்
அடிகள் - வெள்ளியம்பலத்திலே திருநடம் புரியும் சோமசுந்தரக் கடவுள்,
அவன் கனவில் - அவனது கனவின்கண், சங்கக்குழையும் - சங்கினாலாய
குண்டலமும், வெள்நீறும் - வெள்ளிய திருநீறும், சரிகோவணமும் - சரிந்த
கோவணவுடையும், தயங்க - விளங்கவும், உரன் சிங்கநாதம கிடந்து அசைய
மார்பின்கண் சிங்க நாதம் கிடந்து அசையவும், சித்தவடிவாய் எழுந்தருளி -
சித்தமூர்த்தியாக எழுந்தருளி, வெங்கண் யானைத் தென்னவர்கோன்
முன்நின்று இதனை விளம்புவார் - தறுகண்மையுடைய யானையையுடைய
பாண்டிவேந்தனாகிய குலபூடணன் முன்னே நின்று இதனைக்
கூறியருளுகின்றார்.

     சிங்க நாதம் - கொம்பினாற் செய்யப்பட்ட ஒருவகைத் துளைக் கருவி.
தென்னவர்கோன் : சுட்டு. அடிகள் அவன் களவில் எழுந்தருளி முன்னின்று
இதனை விளம்புவார் என்க. (7)

     (இ - ள்.) ஏடு ஆர் அலஙகல் வரைமார்ப - இதழ்கள் நிறைந்த மலர்
மாலையணிந்த மலை போலும் மார்பினை உடையானே, என்றும் எம்பால்
அன்பு உடைமை - எப்பொழுதும் என்னிடம் அன்புடைமையும், வாடா
விரதம் - கெடாத விரதமும் ஆகிய, விழுச்செல்வம் உடையாய் - சிறந்த
செல்வத்தினை உடையவனே, வையம் மறம் கடிந்து கோடாது அளிக்கும்