ஒழுக - கரிய கூந்தலின்மே னின்று சுரங்குந் தேன் ஒழுகவும், நுடங்கிவரும்
மின்போல் அடைந்து கண்டார்கள் - அசைந்து வருகின்ற மின்னல்போலச்
சென்று பார்த்தார்கள்.      இடுவார் இரண்டனுள் முன்னது பெயர்; பின்னது
வினையெச்சப் பொருட்டு. வெம்மை - விருப்பம், குழல்மேல் சுரும்புபாடவும்
கள் ஒழுகவும் என்க. நுடங்கி வருமின்போல் என்றது இல்பொருளுவமை..
(22)

     (இ - ள்.) கண்ட வடிவால் திளைப்பதற்கு - நோக்கிய
அவ்வடிவுடன்கூடி இன்பம் நுகர்தற்கு, கழிபோ அன்பு - மிகவும் பெரிய
அன்பானது, ஒருசார் காதல் வழிக்கொண்டு செல்ல - ஒரு பக்கம் ஆசையின்
வழியே கொண்டுபோக, ஒரு சார் தம் குணன் ஆம் நாணம் முதல் நான்கும்
மண்டி மறுதலைப்ப - மற்றொரு பக்கம் தங்கள் குணமாகிய நாண் முதலிய
நான்கும் நெருங்கித் தடுப்ப, மனமும் உழன்று தடுமாற - (அதனால்) மனமும்
சுழன்று தடுமாற, அண்டர் பெருமான் விளையாடற்கு அமைய - தேவர்
பிரானாகிய சோமசுந்தரக் கடவுளின் திருவிளையாடலுக்குப் பொருந்த. அமுது
அனையார் சூழ்ந்தார் - அமுதினை ஒக்க அம்மகளிர் சூழ்ந்து மொய்த்தனர்.

     வடிவால் - வடிவொடு கூடி; ஆல் ஒடுவின் பொருட்டாயது.
அகண்டனாகிய இறைவனைத் தமது கண்ட வடிவால் திளைப்பதற்கு
என்னும் தொனிப்பொருளும் கொள்க. கழி என்னும் உரிச்சொல் அன்பின்
பெருமையைச் சிறப்பித்து நின்றது நான்கு - நாண், மடம், அச்சம், பயிர்ப்பு.
ஒரு சார் கொண்டு செல்ல ஒருசார் மறுதலைப்ப அதனால் மனம் தடுமாறா
நிற்கவும் சூழ்ந்தார் என்க. மறுதலைப்ப என்பது மறுதலிப்ப என வழங்கும்.
(23)

     (இ - ள்.) இரங்கும் மேகலை சிலம்பு அன்றி - ஒலிக்கின்ற
மேகலையும் சிலம்பும் அல்லாமலும், ஏனைய - அவை ஒழிந்த, விரும்பிய
குழைதொடி மின்செய் கண்டிகை - விரும்பப்பட்ட குழையும் தொடியும்
ஒளிவீசுங் கண்டிகையுமாகிய இவற்றை, மருங்கு இற சுமப்பினும் - இடை
முறியுமாறு தாங்கினாலும், கைக்கு வளை இல் எனின் - கைகளுக்கு வளையல்
இல்லையானால், அரும்பிய முலையினார்க்கு - முகிழ்த்த தனங்களை யுடைய
மகளிர்க்கு, அழகு உண்டாகுமோ - அழகுண்டாகுமோ?