(இ - ள்.) எழுந்து திரண்டு அதிர்ந்து வந்த சென்னி சேனை -
(போர்குறித்து) எழுந்து நெருங்கி முழங்கி வந்த சோழனுடைய அப் படைகள்,
தன் நகர்க்கு இரண்டு யோசனைப் புறத்து இறுக்கும் முன்னர் - தனது
நகருக்கு இரண்டு யோசனையில் வந்து தங்குதற்கு முன்னரே, ஒற்றரால்
தென்னன் தெருண்டு - ஒற்றர்களாலே பாண்டியன் அறிந்து கொண்டு, மாடம்
நீடு கூடல்மேய சிவனதாள் - மாடங்கள் நிறைந்த கூடலின்கண் எழுந்தருளிய
சோமசுந்தரக் கடவுளின் திருவடிகளில், சரண்புகுந்து வேண்டுகு என்று -
அடைக்கலம் புகுந்து குரையிரப்பேனென்று கருதி, சார்ந்து தாழ்ந்து கூறுவான்
- சென்று வணங்கிச் சொல்லுவான்.

     சிவன, அகரம் ஆறனுருபு.

என்பது தேவாரம். வேண்டுகு - வேண்டுவேன்; கு : தன்மை யொருமை
யெதிர்கால விகுதி. (7)

     (இ - ள்.) அன்று பாதி இரவில் தமியனாய் வந்து - அன்று அரை
யிரவில் ஒருவனாய் வந்து, உன் அடி பணிந்து சென்ற - நினது திருவடியை
வணங்கிப்போன, சென்னி என்னும் நின்ன திருவடிக்கண் அன்பினான் -
காடு வெட்டிய சோழனென்னும் உன் திருவடியின்கண் அன்புடையவன்,
இன்றும் அந்நிலையன் ஆய் - இப்பொழுதும் அந் நிலையை
யுடையவனாதற்கு, எனக்கு வேண்டுவன விடுத்து - எனக்கு வேண்டும்
பொருள்களை அனுப்பி, ஒன்று கேண்மை புரிகுவான் - கலந்த நட்பினைப்
பெற விரும்பியவன், உளத்தில் ஒன்றை உன்னினான் - மனத்தின்கண்
மற்றொன்றைக் கருதினான்.

     நின்ன, அகரம் ஆறனுருபு. நிலையனாய், நிலையனாக. ஒன்று -
அதற்கு மாறாய தொன்று. (8)

     (பா - ம்.) * என்று மந்நிலையனாய்.