ஒருவன், அடியார்ககு நல்லான் - அடியார்க்கு நல்லான் என்னும் பெயரினன்;
அறத்திற்கும் புகழுக்கும் நல்லான் - அறத்திற்கும் (அதனாலாம்) புகழுக்கும்
நல்லனாயுள்ளான்.

     புனிதர்க்கு ஏற்றுக் கொடியார்க்கு என ஒரு பொருண்மேற் பல பெயர்
வந்தன. வேதக் குடுமியானது எங்ஙனம் இறைவர் வசிக்கும் தூய இடமாமோ
அங்ஙனமே கூடற்பதியுமாமென்றார். சீர்த்தியையுடைய கூடற்பதி என இயக்க.
படியார்க்கும் என்பதில் கு : சாரியை. கூடலின் புகழ் புவி முழுதும் நிறைதல்,

எனக் கலித்தொகை யுள்ளும் குறிக்கப்பட்டது. அடியார்க்கு நல்லான்
என்பதனைக் காரணப் பெயராகக் கொண்டவன் என்க. அடியார்க்கு
நல்லார் என்பது இறைவன் றிருப் பெயருமாம்;

என்னும் ஆளுடையபிள்ளையார் திருவாக்கும் காண்க. (2)

     (இ - ள்.) அனையான் அறத்திற்கு அருள் போன்றவள் - அவள்
செய்யும் அறத்திற்கு அருள் போன்றவளாகிய, ஆன்ற கற்பின் மனையாள்
- நிறைந்த கற்பினையுடைய மனைவி, மரபின் வழுவாத தருமசீலை -
மரபிற்குரிய ஒழுக்கத்தினின்றுந் தவறாத தருமசீலை என்பவள்; எனை யாரும்
நன்கு மதிக்க இருக்கும் நீராள் - (அவள்) தன் கணவனேயன்றி ஏனை
யாவரும் நன்கு மதிக்குமாறு மனையறம் புரிந்திருக்குந் தன்மையையுடையவள்;
தனை ஆள்பதிக்குக் கதிக்குத் தனிச் சார்பு போல்வாள் - தன்னை ஆளும்
நாயகனுக்கு வீடெய்துதற்குரிய ஒப்பற்ற பற்றுக்கோடு போல்பவள்.

     அறத்திற்குச் சிறந்த துணையாவது அருள் ஆகலின் 'அறத்திற்கு
அருள் போன்றவள்' என்றார். எனையாரும் - யாவரும்; 'வாழுமுர் தற்
புகழும் மாண்கற்பின் இல்லாள்' என்றவாறு. வீடெய்துதற்குச் சிறந்த
துணையாகிய மெய்யுணர்வு போல்வாளென்பார் 'கதிக்குத் தனிச்சார்பு
போல்வாள்' என்றார். (3)

     (இ - ள்.) பல் ஏர் உழவின் தொழில் பூண்டு - பல ஏர்களால்
உழுதற்றொழிலை மேற்கொண்டு, பயன்கள் கொள்வான் - மிக்க ஊதியத்தைப்