அகன்ற என வருவிக்க. தாளில் வீழ்ந்தார் என இயையும். தாம, மற்று
என்பன அசைகள். கண்ணீர் பெருக விடுத்தமையைத் தடங்கணீராட்ட
என்றும், கண்ணீர் வெள்ளத் தாழ்த்தி என்றும் கூறினார். (24)

     (இ - ள்.) மார்பில் ஐம்படை காணேன் - மார்பின்கண் ஐம்படை
யென்னும் அணியைக் கண்டிலேன்; அடியில் சிறு சிலம்பு காணேன் -
காலின்கண் சிறிய சிலம்பினை கண்டிலேன்; மொய்ம்பு இடை மதாணி
காணேன் - தோளின்கண் தோளணியைக் கண்டிலேன்; முகத்து அசை சுட்டி
காணேன் - முகத்தின் கண் அசையும் சுட்டியைக் கண்டிலேன்; மின்படு
குழைகள் காணேன் - (காதுகளில்) ஒளி வீசுங் குண்டலங்களைக் கண்டிலேன்;
வெற்று உடல் கண்டேன் - (பின் இவை நீங்கிய) வெறும் உடலைக் கண்டேன்;
அப்பா - அப்பனே, என் பெறும் என்று - எத்துணை விலை பெறுமென்று
கருதி, பிள்ளைப் பணிகளும் கவர்ந்தார் என்னா - குழந்தையின்
அணிகளையும் வௌவினார் என்று கூறி.

     ஐம்படை - காவற் கடவுளாகிய திருமாலின் சக்கரம், தனு, வாள்,
தண்டு, சங்கம் என்னும் பஞ்சாயுதங்களின் உருவமைக்கப் பெற்றதோர்
அணி; குழந்தைகட்குக் காவலாக ஐந்தாவது திங்களில் இதனைத் தரிப்பது
மரபென்பர்; இது தாலி எனவும், ஐம்படைத் தாலி எனவும் வழங்கப் பெறும்;

எனப் புறப்பாட்டிலும்,

என மணிமேகலையிலும்,

என இராமாயணத்திலும் வருதல் காண்க. மதாணி - ஈண்டுத் தோள் வளை.
சுட்டி - உச்சியிலணிந்து முகத்திற்றொங்கும் அணி. அப்பா : மரபு
வழுவமைதி; இரக்கத்தில் வந்ததுமாம். (25)

     (பா - ம்.) * என்னா வஞ்ச.