பாரிடம் - பூதகணம். கணத்தவரும் என எண்ணும்மை விரிக்க. (53)

     (இ - ள்.) சித்தர் வானவர் தானவர் சாரணர் - சித்தரும் வானவரும்
அவுணரும், சாரணரும், திணிதோள் வைத்த யாழினர் - வலிய தோளின்கண்
வைத்த யாழினையுடைய விஞ்சையரும், கின்னரர் மாதவர் இயக்கர் -
கின்னரரும் மாதவரும் இயக்கரும், பைத்த பாரிடர் காருடர் - பரவிய பூத
கணத்தலைவரும் கருடரும், பாதல வாணர் - நாகரும், சுத்த யோகியர் முதல்
கணத் தொகை எலாம் பரவ - தூய சிவயோகியரும் முதலாகிய பல
கணங்களும் துதிக்கவும்.

     பைத்த - பரந்த என்னும் பொருட்டு. (54)

     (இ - ள்.) இனி வரும் பிறப்பு அறுத்து - மேல் வரும் பிறப்பினை
வேரறுத்து, எமைக் காத்தி என - எங்களைக் காக்கக் கடவை என்று
வேண்டி, தம் கனிவு அரும்பிய அன்பு எழு கருணை ஆர் அமுதை -
தங்கள் கனிவு தோன்றிய அன்பின்கண் விளைந்த அருள் நிறைந்த
அமுதினை, பனி வரும் தடம் கண்களால் பருகி - ஆனந்த நீர்த்துளி
வருகின்ற பெரிய கண்களாகிய வாயாற் பருகி, மெய் பனிப்ப - உடல்
நடுங்க, முனிவர் சங்கர சிவ சிவ என முறை முழங்க - முனிவர்கள் சங்கர
சிவசிவ என்று முறையே முழங்கவும்.

     அன்பெழு கருணை யாரமுது என்ற கருத்தினை,

என்னும் திருவாசகத்திற் காண்க. ஆல் : அசை. (55)

     (பா - ம்.) * முருந்த வாணகை.