(இ - ள்.) இறை அருள் ஆணை அஞ்சி - இறைவன் அருளிய
ஆணையை (மறுத்தற்கு) அஞ்சி, இட்ட பொன்பலகை ஏறி - அவன்
இட்டருளிய பொன்னாலாகிய பலகையில் ஏறி, நறை மதுரம் கெழு கீதம்
பாடி - தேனின் சுவை பொருந்திய இசையினைப் பாடி, நான்மறைகள்
சூடும் - நான்கு வேதங்களும் முடியிற் சூடிய, அறைகழல் அகத்துள்
கொண்டு - ஒலிக்கின்ற வீரக்கழ அணிந்த திருவடியை உள்ளத்திற்
கொண்டு - பலகையும் அங்கை கொண்டு - அப்பலகையையும் கையிலேந்தி,
மறைவழி யாழ்வல்லோன் - இசை நூலின் வழியே யாழ் வாசித்தலில்
வல்லவனாகிய பாணபத்திரன், தன் மனையில் செல்லும் எல்லை - தனது
இல்லிற்குச் செல்லும் பொழுது.

     இசை நூலும் மறை எனப்படுதலை.

என்று தொல்காப்பியர் கூறுதலானறிக. (14)

     (இ - ள்.) தென்றல் மன்னும் மாமலயம் மேய - தென்றற் காற்று
நிலை பெற்ற பெரிய பொதியின் மனையிற்றங்கிய, மாதவன் குடித்த வைகல்
- பெரிய தவத்தினையுடைய அகத்திய முனிவன் பருகிய ஞான்று, வேலை
- கடலின்கண், பொன்னும் மாமணியும் முத்தும் புலப்படக் கிடந்த என்ன
- பொன்னும் சிறந்த மணிகளும் முத்தும் வெளிப்படக் கிடந்தாற்போல,
மின்னும் மாமேகம் நீங்கி - மின்னுகின்ற கரிய முகில்கள் நீங்கப்பெற்று,
விசும்புவாய் விளங்கி - வானம் விளக்க முறுதலால், மீன் விளங்கித்
தோன்ற - விண் மீன்கள் புலப்பட்டுத் தோன்றா நிற்க, ஏகி இல்புகுந்தான்
- சென்று வீட்டிற் புகுந்தனன்; இப்பால் பின்பு.

     விசும்புவாய் - வானின் இடம். விளங்கி : காரணப்பொருட்டாய
செய்தெனெச்சம். வேலையிற் புலப்படக் கிடந்தவென்ன விசும்பிலே
விளங்கித்தோன்ற என்க. மேக நீங்கிய விசும்பிற்கு நீர்வறந்த கடலும்,
விண்மீன்களுக்குப் பொன் முதலியவும் உவமம். (15)

     (பா - ம்.) * மலையின்மேய.