(இ - ள்.) இமையாத முக்கண் மறை முதல் - இமையாத மூன்று
கண்களையுடைய வேத முதல்வனாகிய அச் சோம சுந்தரக் கடவுள்,
பத்திமை நியமம் பூண்ட பறவை மேல் - அன்பு செய்தலையே கடப்
பாடாகக் கொண்ட அப் பறவையின் மேல், கருணை நாட்டம் வைத்து -
அருள் நோக்கம் வைத்து, ஒரு சேய்க்கு - ஒரு மாணியாகிய
மார்க்கண்டனுக்கு, அன்று - அந்நாளில், நித்திய நிலைமை நல்கி -
அழிவற்ற தன்மையைக் கொடுத்து, நேர்ந்த வெங்கூற்றைக் காய்ந்த -
எதிர்த்த கொடிய கூற்றுவனை ஒறுத்த, சத்திய ஞான மிர்த்திஞ்சயத்தினை
- உண்மை ஞானமாகிய மிர்த்திஞ்சய மனுவை, உபதேசித்தான் -
உபதேசித்தருளினான்.

     மிர்த்திஞ்சயம் - மூன்றெழுத்தான் முடிந்ததொரு வேத மந்திரம். (12)

     (இ - ள்.) உவமை அற்றவன் - ஒப்பற்றவனாகிய இறைவன், உரைத்த
மந்திரம் செவிமடுத்தலும் - உபதேசித்தருளிய அம்மனுவைக் காதிற்
கேட்டவளவில், சிற்றுணர்ச்சி போய் - சிற்றறறிவு நீங்கி, பவம் அகற்றிடப்படு
கரிக்குரீஇ - பிறவி நீங்கப் பெற்ற அக்கயவாய், கவலை விட்டு -
துன்பமொழிந்து, அரன் கழல் வழுத்தும் - அவ்விறைவன் திருவடிகளைத்
துதிக்கும்.

     அகற்றிடப்படு - நீக்கப்பட்ட; நீக்கிய. குரீஇ : இயற்கையளபெடை.
ஆல் : அசை. (13)

     (இ - ள்.) எண் இலா உயிர்க்கு இறைவ போற்றி - அளவிறந்த
உயிர்களுக்குத் தலைவனே வணக்கம்; வான்தண் நிலாமதிச்சடில போற்றி -
வானின்கண் உலாவும் குளிர்ந்த நிலாவையுடைய சந்திரனைத் தரித்த
சடையையுடையானே வணக்கம்; என் புண்ணியப் பயன் போற்றி - எனது

     (பா - ம்.) * மித்திஞ்சயம்.