(இ - ள்.) அந்தணாளனும் அதிசயித்து - விரூபாக்கனும் வியப்புற்று,
பெறல் அரும் மகட்கு - பெறுதற்கரிய புதல்விக்கு, சிந்தை ஆர்வமோடு
இறைவினைச் செப்ப - உள்ளத்தி லெழுந்த அன்புடன் பராசத்தியின்
திருமந்திரத்தைக் கூற, முந்தை நாள் அருந்தவக் குறை முடித்திட வந்தாள்
- முற்பிறப்பிற் செய்த அரிய தவத்தின் குறையை நிரப்புதற்கு வந்த
கௌரியம்மை, தந்தைபால் அது தெளிந்து - பிதாவினிடத்தில் அதனைக்
கேட்டுத் தெளிந்து, நா தழும்பு உற பயின்றாள் - நாவானது
தழும்படையும்படி அதனை ஓதி வந்தாள்.

     குழவிப் பருவத்திலே பிறவினை யொழிக்க வேண்டு மென்னும்
பேரறிவு தோன்றியனமை குறித்து அதிசயித்தான். மனு - மந்திரம்.
தெளிந்து - தெளியக் கேட்டுணர்ந்து; பொருளும், ஓதுமுறையும் நன்கு
உணரவேண்டுமாகலின் ‘தெளிந்து’ என்றார். இடைவிடாது பயின்றாள்
என்பார் ‘நாத்தழும்புறப் பயின்றாள்’ என்றார். பயிலுதல் - உருவேற்றுதல்;
செபித்தல். வந்தாள் : பெயர். வந்தவளாகலின் பயின்றாள் என்பது
கருத்து. (5)

     (இ - ள்.) தாதை - தந்தையானவன், தன் தவக் கொழுந்தினுக்கு
இசைய - தனது தவக்கொழுந்தாகிய புதல்விக்குப் பொருந்த, மாசைவ
மாதவத்தனாய் - பெருமை பொருந்திய சைவநெறி நின்ற பெரிய
தவத்தினையுடையனாய், ஆதி ஆச்சிரமத்தில் வழங்கும் வேத வித்துமாய் -
முதல் நிலையாகிய பிரமசரிய நெறியில் ஒழுகும் வேத வித்துமாகி, மரபினால்
மேம்படுவான் - மரபினாலு முயர்ந்த ஒருவன், எப்போது போதும் என்று -
எப்பொழுது (மணவாளனாக) வருவான் என்று, உளத்தொடு புகன்று கொண்டு
இருந்தான் - மனத்துடன் கூறிக் கொண்டிருந்தான்.

     மாசைவம் - சைவத்தின் ஒரு வகையாகிய மகாசைவம் என்னலுமாம்.
ஆதி - ஆச்சிரமம் - நான்கு நிலைகளுள் முதலது; பிரமசரியம். வேதவித்து
- வேதங்களை யறிந்தவன். மரபு - குடிப்பிறப்பு; கோத்திரம் முதலியவுமாம்.
போதும் - வருவான்; புகுதும் என்பதன் மரூஉ. இடைவிடாது சிந்தித்துக்
கொண்டிருந்தான் என்பதனை இலக்கணை வகையால் ‘உளத்தொடு புகன்று
கொண்டிருந்தான்’ என்றார். (6)

     (இ - ள்.) பருவம் நாலிரண்டு ஆக - (புதல்விக்கு) எட்டு வயது ஆக,
மேல் கடிமணப் பருவம் வருவது ஆக - மேலே திருமணப் பருவம்

     (பா - ம்.) * னயற்புலத்.