(இ - ள்.) சான்ற கீரன் இலாது அவை கூடிய சங்கம் - புலமை
சான்ற நக்கீரன் இல்லாது பிற புலவர் கூடிய இச்சங்கமானது, ஏன்ற வேந்தன்
இலாக்குடி ஈட்டமும் - பொருந்திய மன்னனில்லாத குடியின் கூட்டத்தையும்,
இன் கதிர் கான்ற நாயகம் மாமணி போகிய கண்டியும் - இனிய ஒளி வீசும்
நடுநாயகமாகிய பெரிய மணியை இழந்த கண்டிகையையும், ஆன்ற ஞானம்
இலாதவர் கல்வியும் ஆனது - நிறைந்த மெய்யுணர்வில்லாதவர் கல்வியையும்
போன்றது.

     கவற்சியும், விளக்கமின்மையும், பயனின்மையும் உவமைகளாற் கொள்க.
இது பலபொருளுவமையணி. (3)

     (இ - ள்.) சொல் பொருள் வடிவு ஆனவர் - சொல்லும் பொருளும்
தனது வடிவமாயுள்ளவரும், ஆலவாய் மைதழைத்த மிடற்றினர் தம்மொடும் -
திருவால வாயின்கண் வீற்றிருக்கும் இருள்மிக்க திருமிடற்றினையுடைய
வருமாகிய சோமசுந்தரக் கடவுளுடன், வாதுசெய்த இப்பிழையோ பெரிது -
வாதஞ்செய்த இந்தப் பிழை மிகப்பெரியது (ஆகலின்), எப்படி தீருமோ -
(இஃது) எங்ஙனம் நீங்குமோ, உய்வது அற்புதமே என - இனி பிழைத்தல்
அரிதே என்று, யாவரும் உன்னினார் - அனைவருங் கருதினர்.

     ஐய, அசைநிலை; குறிப்புப்பெயரெச்சமாகக் கொண்டு, அழகிய
என்றுரைத்தலுமாம். சொற்பொருள் - சொல்லின் பொருள் என்றுமாம்.
சொற்பொருள் வடிவானவருடன் சொற்பொருள்பற்றி வாதுசெய்யப் பிறர்
எங்ஙனம் வல்லுநராவர் என்பது தோன்றச் 'சொற்பொருள் தன்வடிவானவர்'
என்றார். தான் என்பதும் அசை. (4)

     (இ - ள்.) எய்தி வெள்ளிமலை பெயர்த்தானும் - வெள்ளிமலைக்குச்
சென்று (அதனைப்) பெயர்த்த இராவணனும், இறுத்த தன் கையில்
வீணைதொட்டு - (அம் மலையைப்) பறித்த தனது கையில் வீணையைத்