எடுத்து வைத்ததாகும் என்று கண்டோர் கருதும் வண்ணம், மஞ்சுசூழ்
இஞ்சி வகுத்தனன் - முகில் சூழ்ந்த மதில்கட்டி முடித்தனன்.

     சினகரம் - அருகன் கோட்டம்; இது பின் எல்லாக் கடவுள
ராலயங்களையும் குறிப்பதாயிற்று. பைத்த - படத்தையுடைய; பெயரடியாகப்
பிறந்த குறிப்புப் பெயரெச்சம். ஆலவாய் - பாம்பு; ஆலத்தை வாயிலுடையது
எனக்காரணக் குறி. தொட்டு அகழ்ந்து என்பன ஒரு பொருளன. (24)

     (இ - ள்.) நால் பெருவாயில்கட்கு - நான்கு பெரியவாயில்களுக்கும்,
தென் திசைப்பரங்குன்றமும் - தெற்கின்கண் திருப்பரங்குன்றமும், வடதிசை
இடபக்குன்றமும் - வடக்கின்கண் இடபமலையும், குடக்கு ஏடகநகரும் -
மேற்கின்கண் திருவேடகப்பதியும், குணபால் - கிழக்கின்கண், பொன்தலம்
கிழித்து எழுபொழில் பூவணநகரும் - தேவருலகத்தை ஊடுருவி மேலெழுந்த
சோலைகள் சூழ்ந்த திருப்பூவண நகரும், என்றும் எல்லையா வகுத்தான் -
எஞ்ஞான்றும் எல்லையாமாறு அம்மதில் வாயில்களை அமைத்தான்.

     என்று நான்கினையும் என வருவித் துரைத்தலுமாம். (25)

     (இ - ள்.) அனைய நீள்மதில் ஆலவாய் மதிலென அறைவர் -
அந்த நீண்ட மதிலை ஆலவாய் மதில் என்று கூறுவர்; நனைய வார்பொழில்
நகரமும் - தேனையுடைய நெடிய சோலை சூழ்ந்த அந்த நகரமும்,
எப்போதும் ஆலவாய் நாமம் புனையலாயது - எஞ்ஞான்றும் ஆலவா
யென்னும் பெயரைப் பெறுவதாயிற்று; அப்பொன் நகர்தன்னை - அந்த
அழகிய நகரத்தை, கனைய வார்கழல் காலினான் - ஒலித்தலை யுடைய
நெடிய வீரக்கழலையணிந்த காலையுடைய அப்பாண்டியன், பண்டுபோல்
கண்டான் - முன்போல் ஆக்கினன்.

     நனைய, கனைய என்பன குறிப்புவினைப்பெயரெச்சம்; கனைய
என்பதில் அகரம் அசையுமாம். (26)