(இ - ள்.) உடைய நாயகன் திருவுளம் உணர்ந்தனன் -
எல்லாமுடைய இறைவனது திருவுள்ளக் குறிப்பினை அறிந்து, முடிமேல்
அடைய அஞ்சலி முகிழ்த்தனன் - முடிமீது பொருந்த அஞ்சலியாகக்
கைகளைக் குவித்து, அருந்தவ விமானத்திடை பன்னியோடு புகுந்தனன் -
அரியதவமாகிய விமானத்தில் மனைவியோடும் ஏறி, எழுந்தனன் - மேலே
எழுந்து, அகல்வான் நடையன் ஆகிவந்து - அகன்ற வானை வழியாகக்
கொண்டு நடப்பவனாய், நல்தமிழ் முனிவன் அடைந்தனன் - நல்ல தமிழ்
முனிவன் மதுரையை அடைந்தான்.

     வானிலே செல்லும் தவ ஆற்றலை விமானமாக உருவகித்தார்.
உணர்ந்தனன், முகிழ்த்தனன், புகுந்தனன், எழுந்தனன் என்பன
முற்றெச்சங்கள். (15)

     (இ - ள்.) இயங்கும் மாதவத்தேரினும் - இயங்குதலையுடைய பெரிய
தவமாகிய தேரினின்றும், பன்னியோடு இழிந்து - மனைவியோடும் இறங்கி,
புயங்கன் ஆலயம் புகுந்து - சோமசுந்தரக் கடவுளின் திருக்கோயிலுட்புகுந்து,
புடைநால்புயம் கிளைத்துத் தயங்கு - மருங்கில் நான்கு திருத்தோள்கள்
கிளைத்து விளங்கும், செம்பவள அசலம் தன்னையும் - சிவந்த பவள
மலையை ஒத்த இறைவனையும், அதன்பால் வயங்கும் இந்திர நீலமால்
வரையையும் பணியா - அதன் மருங்கில் விளங்கும் பெரிய இந்திர
நீலமலையை ஒத்த அம்மையையும் வணங்கி.

     தேரினும் - தேரினின்றும், புயங்கன் - சிவபிரான்றிருப்பெயர்;

என்பது திருவாசகம்; அரவாபரண முடையன் என்றுரைப்பாரு முளர்.
இறைவன் பவளமலையையும், இறைவன் பக்கத்துள்ள இறைவி பவளமலையின்
பாங்கர் விளங்கும் இந்திர நீலமலையையும் போன்று தோன்றினர்;

என்னும் பெரியபுராணச் செய்யுள் சிந்திக்கற்பாலது. (16)