என்னும் வேதத்துக்குப் பொருளருளிச்செய்த படலச்செய்யுளாலறிக. (4)

     (இ - ள்.) தனபதி என்று ஒரு வணிகன் - தனபதி என்னும்
பெயருடையனாய் ஒரு வணிகன், இம்மாநகர் உள்ளான் - இப்பெரிய நகரில்
இருக்கின்றான்; அம்மாநிதிக்கிழவோன் மனை குணசாலினி - அப்பெரிய
நிதிக்கிழவன் மனைவி குண சாலினி என்பாள்; அனையார் தம்
மாதவப்பொருட்டால் - அவர்கள் செய்த பெரியதவம் காரணமாக, வெளிற்று
அறிவாளரைத் தழுவும் பொய் மாசு அற - வெள்ளறிவினரைத் தழுவிய
நிலையுதல் இல்லாத அஞ்ஞானம் ஆகிய இருள் நீங்க, இனன்போல் ஒரு
புத்தேள் அவதரித்தான் - சூரியன் தோன்றினாற்போல ஒப்பற்ற
முருகக்கடவுள் அவதரித்தான்.

     வெளிற்றறிவு - புல்லறிவு. இனன் - சூரியன். புத்தேள் - தெய்வம்;
முருகக்கடவுள் என்பதை இப்புராணத்து வலைவீசிய படலத்திலும்,
இறையனாரகப் பொருள் உரைப்பாயிரத்திலும் காண்க. இதனை ஐஞ்சீராகப்
பிரித்துக் கலிநிலைத்துறையாக்கலாம் எனினும் அதற்கு ஓசை
யின்பமின்மையின் கலிவிருத்தம் எனலே பொருத்தமென்க. (5)

     (இ - ள்.) ஓயாவிறல் மதனுக்கு இணை ஒப்பானவன் - அவன்
இடையீடு படாத வெற்றியையுடைய மதவேளுக்கு இணையொத்தவன்;
ஊமச்சேயாம் அவனிடைபோய் - மூங்கைப் பிள்ளையாகிய அவனிடத்துச்
சென்று. நீர் உரை செய்யுள் கவி எல்லாம் ஆடுமின் - நீவிர் பாடிய கவிகள்
அனைத்தையுங் கூறுங்கள்; அனையானது புந்திக்கு இசைந்தால் - அவனது
உள்ளத்திற்குப் பொருந்துமேல். யாவரும் நன்றாய் மதிக்கும் தமிழ் அதுவே
என அறைந்தான் - அனைவரும் சிறப்பாகக் கருதிப்பாராட்டும் கவி
அதுவேயாகும் என்று கூறியருளினான்.