விளைவேபோற்றி - இன்பவிளைவே வணக்கம்; போதவடிவாய் - உபதேச
வடிவமாய், நால்வர்க்கு அசைவு இறந்து நிறைந்த பரம்பொருளே போற்றி -
சனகர் முதலிய நால்வருக்கும் அசைவின்றி நிறைந்தருளிய மேலானபொருளே
வணக்கம். மா தவள நீறு அணிந்த மன்னா - பெருமை பொருந்திய வெள்ளிய
திருநீற்றையணிந்தருளிய இறைவனே, அங்கயற்கண்ணி மணாள போற்றி -
அங்கயற்கண்ணம்மையின் காதலனே வணக்கம்.

     வேதம் முதலிய கலைகளெல்லாம் பாசஞானமாகிய அபரஞான
மாகலானும், பதிஞானமாகிய பரஞானத்தினன்றிச் சிவம் விளங்காதாகலானும்
'வேதமுடி கடந்த பரஞானத்திலானந்தவிளைவே' என்றார்;

     தடாதகைப்பிராட்டியார் திருவவதாரப்படலத்தில்

என்றமையுங் காண்க. வேத முதலியவை பாசஞான மென்பதை

என்னும் சிவஞான சித்தியார்த் திருவிருத்தத்தால் அறிக. போதவடிவாய்
- போதக வடிவாய்; ஞானவடிவாய் நிறைந்த என்றுமாம். அசைவிறந்தமை
கடவுள் வாழ்த்தில் உரைத்தவாறுங் காண்க. (22)

     (இ - ள்.) பொக்கம் உடையார் செய்யும் பூசை தவம் கண்டு நகும்
புராண போற்றி - பொய்மையுடையவர் செய்கின்ற பூசையையுந்
தவத்தினையுங் கண்டு சிரிக்கும் பழையோய் வணக்கம்; தக்கன் மகம்
பொடியாக - தக்கன் செய்த வேள்வி நீறாகுமாறு, திருப்புருவம் நெரித்த
கொடுந் தழலே போற்றி - திருப்புருவத்தினை நெரித்தருளிய கொடிய
நெருப்பே வணக்கம்; செக்கமலக்கண் இடந்த கண்ணனுக்கு - செந்தாமரை
மலர்போன்ற கண்ணை இடந்து அருச்சித்த திருமாலுக்கு, திகிரி அருள்
செல்வாபோற்றி - சக்கரப்படை அருளிய செல்வனே வணக்கம்; மைக்குவளை
மலர் அனைய மணிகண்டா - கரிய குவளைமலர் போன்ற நீலகண்டனே,
அங்கயற்கண்ணி மணாள போற்றி - அங்கயற்கண்ணம்மையின் மணவாளனே
வணக்கம்.