(இ - ள்.) முடங்குமுள் இலையால் புதைந்து - மடங்கிய
முள்ளையுடைய இலைகளால் மறைபட்டு, எதிர்எதிர் மொய்த்து -தம்முன்
எதிரெதிரே நெருங்கி, வளிநூக்க போதொடு நின்று அசைவ - காற்றுத்
தள்ளுவதால் மலரோடு நின்று அசைவனவாகிய, நுடங்குகைதை - வளைந்த
தாழைகள், மடங்குமெய்யராய் - வளைந்த மெய்யினை யுடையராய்; கை
இருங்கேடக வட்டத்து அடங்கி - கையிலுள்ள பெரிய கேடகமாகிய
வட்டத்துள் மறைந்து, வாள்பனித்து - வாளை விதிர்த்து, ஆடு அமர்
ஆற்றுவார் அனைய - வெற்றிதரும் போரினைப் புரிவாரை ஒத்தன.

     முள்ளிலை கேடகத்தையும், போது வாளையும், கைதை போர்
செய்வாரையும் போன்றிருந்தன என்க. (13)

     (இ - ள்.) புலவுமீன் உணக்கு ஓசையும் - புலானாற்றமுடைய
மீன்களை உலர்த்தும் ஒலியும், புட்கள் ஓப்பு இசையும் - (அவற்றை
உண்ணவரும்) பறவைகளை ஓட்டும் ஒலியும், விலை பகர்ந்திடும் அமலையும்
- (அவற்றை) விலை கூறும் ஒலியும், மீன்கொள் கம்பலையும் - அம்மீன்களை
வாங்குவோர் ஒலியும், வலை எறிந்திடும் அரவமும் - பரதவர் வலை வீசும்
ஒலியும், வாங்கும் ஆரவமும் - அவ்வலையை இழுக்கும் ஒலியும், அலை
எறிந்திடு பரவை வாய் அடைப்பன - அலை வீசும் கடலின் ஒலி வாயை
அடைப்பன.

     ஓசை, இசை, அமலை, கம்பலை, அரவம், ஆரவம் என்பன ஒரு
பொருள் குறித்த வேறு பெயர்த் திரிசொற்கள். ஆரவம் - அரவம் என்பதன்
விகாரமுமாம். கடலின் ஒலி புலப்படாமற் செய்வன என்க. மாது, ஓ
அசைகள். (14)

     (இ - ள்.) வாட்டும் நுண் இடை நுளைச்சியர் - (கொங்கைகள்)
வருத்தும் நுண்ணிய இடையினையுடைய நுளைச்சிறுமியரின், வண்டல்
அம்பாவைக்கு - விளையாட்டிடத்துள்ள பாவைக்கு, உடைந்த பூங்கைதை
அருகு இருந்து சோறு ஊட்டுகின்ற - மலர்ந்த மலர்களையுடைய தாழைகள்
பக்கத்திலிருந்து சோற்றினை உண்பியாநின்றன; பொருகடல் தரங்கம் -
மோதுகின்ற கடலின் அலைகள், நித்திலம் பூட்டுகின்றன - முத்து
மாலையைப் பூட்டாநின்றன; சூழல் சூழ் ஞாழல் - சோலையைச் சூழ்ந்த
புலிநகக் கொன்றை மரங்கள், கடிமலர் சூட்டுகின்றன - மணமிக்க
மலர்களைச் சூட்டாநின்றன.