(இ - ள்.) கிட்டும் தோணியைப் படகினைக் கிழிபட - நெருங்கிவரும்
தோணியையும் படகினையும் அவைபிளவுபடுமாறு, விசை போய்த் தட்டும் -
விரைந்து சென்று தாக்கும்; சோங்கினை மேல்இடும் சரக்கொடும்
கவிழமுட்டும் - சோங்கினை அதன் மேலிட்ட சரக்குடன் கவிழுமாறு (கீழே
சென்று) முட்டும்; சீறிமேல் வரும்பல சுறவு எலாம் முடுக்கி வெட்டும் -
சினந்து தன்மேல் வருஞ்சுறா மீன்களனைத்தையுந்துரத்தி வெட்டும்; ஏனைய
மீன் எலாம் கோடுகோத்து வீசும் - மற்றைய மீன்களெல்லாவற்றையும்
கொம்பிற் கோத்துப் புறத்தில் வீசும்.

     தோணி, படகு, சோங்கு என்பன மரக்கல விசேடம். (34)

     (இ - ள்.) எண்ணார் புரங்கள் மூன்றையும் பொடித்தவன்
ஆணையால் - பகைவரின் மூன்று புரங்களையும் எரித்த இறைவனது
ஆணையினால், புனலில் - கடலின்கண், கரங்கள் நான்கையும் கரந்தமீன் -
நான்கு திருக்கரங்களையும் மறைத்து உறையும் அச் சுறாமீன், தரங்கவாரி
நீர்கலக்கலால் - அலைகளையுடைய கடல் நீரைக் கலக்குதலாலும், தந்திரம்
மேல்கொடு - நூல்களைச் சிரத்திற்றாங்கி, இரங்குவான் புலவோர்க்கு -
மனம் வருந்தும் சிறந்த புலவர்களுக்கு, அமுது ஈகையால் - ஞானாமிர்தத்தை
அளித்தலாலும் (கடலைக்கலக்கித் தனது வலிமையைக் கொண்டு வருந்திய
சுவர்க்கத்திலுள்ள தேவர்கட்குத் தேவாமிர்தத்தைக்கொடுத்த,) மந்தரம்
கடுக்கும் - மந்தரமலையை நிகர்க்கும்.

     தந்திரம் - நூல், தனது வலிமை. மேல் - சென்னி, மேலிடம். வான் -
மேன்மை, சுவர்க்கம். புலவோர் - அறிஞர், தேவர். அமுது - ஞானம்,
தேவாமிர்தம். மேல்கொடு என மாற்றித் தலைமேற் கொண்டு எனவும்,
மேல்வான் எனக் கூட்டி மேலிடத்ததாகிய சுவர்க்கம் எனவும் உரைக்க.
நந்தியாகிய மீன் என்பார் 'கரங்கள் நான்கையும் கரந்தமீன்' என்றார்.
இச்செய்யுள் செம்மொழிச் சிலேடையணி. (35)

     (இ - ள்.) முள்ளு நீண்மருப்பு உடைய மீன் - முள் வாய்ந்த
நீண்டகொம்பினையுடைய அச்சுறாமீன், தள்ளும் நீர்த்திரை போய் -
தள்ளுகின்ற நீரின் அலைகள் சென்று, நுளைச்சேரிகள் சாய்ப்பத்துள்ளும் -

     (பா - ம்.) *சேரிகள் சாய