பொதுமகளிர் நினைவெனவும் பரம்பொருளெனவும் அகலும் என்றார்.
பரம்பொருள் ஆன்மபோதத்தால் காணப்படுவதன்றென்பதனை,

என்னும் சிவஞான சித்தியால் அறிக.

     ((இ - ள்.) ஏவலாளரோடு இன்னவாறு - ஏவலாளருடன் இங்ஙனம்,
இன்ன மீன் படுத்தற்கு ஆவது ஆம் தொழில் இயற்றவும் - இந்த மீனைப்
பிடிப்பதற்கு உரிய தொழிலைச் செய்யவும், அகப்படாதாக - அஃது
அகப்படாதாக; யாவரே இது படுப்பவர் என்று - இனி யாவரே இதனைப்
பிடிக்கவல்லார் என்று கருதி, இருங்கானல் காவலாளனும் - பெரிய
நெய்தனிலத்தலைவனும், பரதரும் கலங்கு அஞர் உழந்தார் - பரதவரும்
பெருந்துன்பத்தால் வருந்தினார்கள்.

     (ஆவதாம்தொழில் - பொருந்திய வினை. கலங்கு அஞர் - நெஞ்சு
கலங்குந்துன்பம். (41)

     ((இ - ள்.) சங்கு அலம்பு தண்துறை கெழுநாடன் - சங்குகள்
ஒலிக்கும் குளிர்ந்த நீர்த்துறைகள் பொருந்திய கடல் நாடன், இச்சலதி - இக்
கடலின்கண், துங்க மந்தரம் எனக் கிடந்து அலமரு சுறவை - வலிமிக்க
மந்தரமலைபோலக் கிடந்து கலக்கும் சுறாமீனை, இங்கு அணைந்து எவன்
பிடிப்பவன் - இங்கு வந்து பிடிப்பவன் எவனோ, அவன் யான் ஈன்ற
மங்கை மங்கலக்கிழான் என - அவனே யான் பெற்ற மங்கையின்
மணவிழாவுக்கு உரியவன் என்று, மனம் வலித்திருந்தான் -
உறுதிகொண்டிருந்தான்.

     (கிழான் - உரியவன். வலித்தல் - உறுதியாக எண்ணுதல். (42)