இட்ட துகிலினன் - தோளின்கண் இட்ட மேலாடையுடையவனாய், குஞ்சி
சூட்டும் - மயிரின்கண் சூட்டிய, முருகு கொப்பளிக்கும் நெய்தற்கண்ணியன்
- தேன் கொப்பளிக்கும் நெய்தல்மாலையையுடையவனாய், மூத்த வானோர்
இருவரும் மறையும் தேடி இளைப்ப - தேவர்களில் மூத்தவராகிய திருமாலும்
பிரமனுமாகிய இருவரும் மறைகளும் தேடிக் காணாது இளைக்க, ஓர்
வலைஞன் ஆனான் - ஒரு வலைமகன் வடிவங் கொண்டருளினன்.

     கச்சினன் முதலிய குறிப்பு முற்றுக்கள் வினையெச்சமாயின. மூத்த -
பெருமையுடைய என்றுமாம். (45)

     (இ - ள்.) உலகு முழுது ஈன்ற சேல்கண் முதல்வியை -
உலகமனைத்தையும் பெற்றருளிய அங்கயற்கண்ணம்மையை, அருளிலார்போல்
- அருளில்லாதவர் போல, இழிதொழில் வலைமாது ஆகச் சபித்தவாறு
என்னே - இழிந்த தொழிலையுடைய வலைக்குலக்கன்னி ஆகுமாறு சபித்த
காரணம் யாதோ (அங்ஙனம் சபித்ததால்), என்றும் பழிபடு சாபம் ஏறார் -
எஞ்ஞான்றும் பழிபொருந்திய சாபம் ஏற்காத தாம், பரதராய் வரவும்
வேண்டிற்று - ஒரு வலைஞராக வரவும் வேண்டியதாயிற்று; எம் ஆலவாய்
அடிகள் செய்கை - எமது ஆலவாயின்கண் எழுந்தருளிய ஆண்டவன்
செய்கை, நன்று நன்று அழகிது - நன்று நன்று அழகாயிருந்தது.

     ஏனைத் தேவரெல்லாம் சாபத்தாற் பற்றப்படுவாராதலும், சிவபெருமான்
ஒருவரே சாபத்தாற் பற்றப்படாராதலும் உணர்த்துவார் 'பழிபடு சாபமேறார்'
என்றார்;

என்னும் கந்தபுராணம் - ததீசியுத்தரப்படலச் செய்யுள் காண்க. செய்கை
- விளையாட்டு. அழகிது நன்று நன்று என்பன வியப்பின்கண் வந்தன. இது
கவிக்கூற்று. (46)