(இ - ள்.) செவ்விதின் நோக்கி - (மீன் இருக்குமிடத்தினைத்)
தப்பாமற் பார்த்து; ஆகம் திருக நின்று - உடல் திருக நின்று, பக்கம்
கௌவிய மணிவில் வீச - விளிம்பிற் பொருந்திய மணிகள் ஒளி வீசவும்,
விசை ஒலி கறங்கிப்பாய எறிந்தான் - வீசிய வேகத்தாலுண்டாகிய ஒலி
எங்கும் ஒலித்துப்பரவவும் வீசினன்; பைவிரித்து உயிர்த்து நாகம் விழுங்க -
படத்தினை விரித்துச் சீறிப் பாம்பானது விழுங்க, வாய்ப்பட்ட மீன்போல் -
அதன்வாயில் அகப்பட்ட மீன்போல, வெவ்வினைச் சுறவு ஏறு -
கொடுந்தொழிலையுடைய அச் சுறாமீன், ஐயன் விடுவலைப்பட்டது -
இறைவன் வீசிய வலையின்கண் அகப்பட்டது.

     ஆகம் திருக நிற்றல் - பைசாசம். மண்டிலம் முதலிய நிலைவகையுள்
அடங்கும். மணிவில் வீசலாலும் விசையொலி கறங்கினமையாலும் அவ்வலை
பை விரித்துயிர்த்த நாகம்போன்றது. அன்று, ஏ அசைகள். (54)

     (இ - ள்.) மாசு அறு கேளிர் அன்பின் வலைப்படு வலைஞர்கோன் -
குற்றமற்ற அடியார்களது அன்பாகிய வலையின்கண் அகப்படும் வலைஞர்
தலைவன், தாய் வீசிய வலையில் பட்ட மீனினை - தாவி வீசிய
வலையின்கண் அகப்பட்ட மீனை, சுருக்கி வாங்கி - சுருக்கி இழுத்து, காசு
எறி தரங்க முந்நீர்க்கரையிடை இட்டான் - மணிகளை வீசும்
அலைகளையுடைய கடலினது கரையின்கண் போட்டான்; கள் வாய் மூசு
தேன் என்ன - கள்ளினிடத்து மொய்த்த வண்டுகள்போல, பரதச்சாதி
ஆர்த்து மொய்த்தன - வலைஞர் மரபினர் ஆரவாரித்து மொய்த்தனர்.

     இறைவற்குக் கேளிராவார் அடியாரென்க. அன்பு வலையி
லகப்படுதலை,

என்னும் திருவாசகத்தாலறிக. தாய், தாவி என்பதன் விகாரம். இறைவன்
இங்ஙனம் கானவனாகி மீன்வலை வீசிய திருவிளையாட்டை,

என எடுத்தேத்தும் திருவாசகம். (55)

     (பா - ம்.) *கோன்றான்.