யுடைய வையையாற்றினது கரையின்கண், வாதவூர் உளது - திருவாதவூர்
என்னும் திருப்பதி உள்ளது.

என்பது வாயுறைவாழ்த்தாகலின் வறியார்க்கே ஈதல்வேண்டும்; அவருள்ளும்
பிறர்க்குப் பயன்படுவார்க்கீதல் சிறந்தது. வயலும் குளமும் வறியனவும்
பிறர்க்குப் பயன்படுவனவும் ஆகும். அடுத்த - இருமருங்கும் பொருந்திய.
கடலுக்கு வறுமையின்மையும் கொள்க. உவரி - உவர் நீர் உடையது;
இ - வினைமுதற்பொருள் விகுதி. வையையாறு இயல்பாகக் கடலிற்
கலவாமையைக் கடல் வறுமையின்மையும் பயன்படாமையும் உடையதென
அதில் மடுத்தறியாதெனக் கற்பித்துக் கூறினமையால் இது தற்குறிப்பேற்றவணி.
இதனால் ஒரு காலத்தில் வையையாறு கடலிற் கலவாதாயிற்றென அறிக. (2)

     (இ - ள்.) உடம்பு அறா உயிர் என்ன - உடலினின்றும் நீங்காத உயிர்
போல, நகர் எங்கும் விழவு அறா - நகர் முழுதும் திருவிழாக்கள் நீங்கா;
மனை எங்கும் விருந்து அறா - இல்லம் அனைத்தினும் விருந்துகள் நீங்கா;
எங்கும் மகிழ்வு மழவு அறா - யாண்டும் மகிழ்ச்சியைத்தரும் பிள்ளைகள்
நீங்கா; கிடை எங்கும் மறை அறா - பாடசாலைகள் யாவற்றிலும் வேதங்கள்
ஓழியா; அரங்கு எங்கும் முழவு அறா - நாடக சாலை எங்கணும்
மத்தளஒலிகள் ஓயா; பொழில் எங்கும் முகில் அறா - சோலைகள்
அனைத்திலும் மேகங்கள் நீங்கா; வயல் எங்கும் உழவு அறா - வயல்கள்
எல்லாவற்றிலும் உழவுத்தொழில்கள் ஓயா.

     விருந்து - புதுமை; இஃது ஆகுபெயராய்ப் புதியராய் வந்தாரை
உணர்த்திற்று. மழவு - இளமை; இஃது குழவியை உணர்த்திற்று; 'முருகு'
என்பது போல். மறை - வேத மோதல். கிடை - வேதமோதுஞ்சாலை.
உடம்பறாவுயிரென்ன என்ற உவமையால் நகர் முதலியவற்றிற்கு விழவு
முதலியன பொலிவு தருதல் பெற்றாம். (3)

     (இ - ள்.) ஆயவளம்பதி அதனில் - அங்ஙனமாகிய வளமிக்க
அந்நகரின் கண், அமாத்தியரில் - அமாத்தியர்மரபில், அருமறையின் தூய
சிவாகம நெறியின் துறைவிளங்க - அரிய வேத நெறியும் தூய்மையாகிய
சிவாகமத்துறையும் விளங்கவும்; மாயன்வஞ்சனையால் இடும் புத்த இருள்