(இ - ள்.) எடுத்த பொன்சுமை - கருவூலத்தினின்றும் எடுத்தபொன்
சுமையை, ஒட்டகத்து இட்டுமுன் ஏகவிடுத்து - ஒட்டகத்தில் ஏற்றி
அவைமுன்னே செல்லுமாறு ஏவி, விண்தொடு - வானை அளாவிய,
திண்திமில் விடையவன் கோயில் அடுத்து - திண்ணிய திமிலையுடைய
இடபவூர்தியை உடைய சோமசுந்தரக் கடவுளின் திருக்கோயிலுட்சென்று,
அவிழ்ந்த பொன் அம்புயத்தடம்படிந்து - மலர்ந்த பொற்றாமரையினை
யுடைய வாவியின்கண் நீராடி, அனைய மடுத்தடம் கரை - அந்த ஆழமாகிய
பொய்கையினது கரையின்கண் எழுந்தருளிய, சித்தி ஐங்கரத்தனை வணங்கா
- ஐந்துகைகளையுடைய சித்திவிநாயகனை வணங்கி.

     விண்டொடு கோயில் எனக்கூட்டுக. திமில் - சூடு; கொண்டையெனவும்
வழங்கும். (22)

     (இ - ள்.) கருணை நாயகி அங்கயற்கண்ணி - அருட்சத்தியாகிய
அங்கயற்கண்ணி என்னும், எம்பிராட்டி - எமது பெருமாட்டியின், அருணநாள்
மலர் - சிவந்த அன்றலர்ந்த தாமரைமலர் போலும், செய்ய சீறடித்தலம்
இறைஞ்சி - சிவந்த சிறிய திருவடிகளை வணங்கி, வருணன் ஆர்பெருவயிற்று
நோய்வலி கெடுத்து - வருணனது நிறைந்த பெரிய வயிற்றினது நோயின்
வன்மையைப்போக்கி, ஆண்ட - ஆண்டருளிய, தருண நாள் மதிச் சடை
உடை - இளமையாகிய பிறைமதியினைத் தரித்த சடையினையுடைய, அடிகள்
முன்தாழா - இறைவன் திருமுன் வணங்கி.

     அருணம் - செந்நிறம். வருணனது வயிற்றுநோய் கெடுத்தமையை இப்
புராணத்து வருணன் விட்ட கடலை வற்றச்செய்த படலத்திற் காண்க.
மலநோயை முருக்கிச் சிவஞானம் பெருக்க வணங்கினார் என்பது
குறிப்பிற்றோன்ற ‘வருணனார்’ பெருவயிற்று நோய் வலிகெடுத்தாண்ட
தருணநாண்மதிச் சடையுடை யடிகண்முன்றாழா’ என்றார்.

     (இ - ள்.) வெள்ளிமன்று வேண்டிநின்று ஆடியவள்ளல் -
வெள்ளியம் பலத்தினை விரும்பி நின்று ஆடியருளிய வள்ளால், ஒன்று
வேண்டும் - (அடியேனுக்கு) ஒருவரம் அருளல் வேண்டும், இப்பொருள்
எலாம் - (அதாவது) இப்பொருள் அனைத்தையும், உனக்கும் - நினக்கும்,
ஐம்பொறியும் வென்று வேண்டும் நின் அன்பர்க்கும் ஆக்குக -
ஐம்பொறிகளையும்

     (பா - ம்.) சீரடி.