என எண்ணி - வீற்றிருக்கும் இடம் இதுவே என்று கருதி, நகர் புக்கார் -
அந்நகருட் புகுந்தனர்.

     கருக்குமவன் - கருக்குவான். இதென, விகாரம். (32)

     (இ - ள்.) காய் இலை அடைந்த கழுமுள் படை வலத்தார் -
வருத்துகின்ற தகட்டு வடிவமமைந்த சூலப்படையினை வலக்கரத்தில்
ஏந்திய இறைவரது, கோயிலை அடைந்து - திருக்கோயிலைச் சார்ந்து,
குளிர்வான்புனல் குடைந்து - தண்ணிய சிறந்த புனலில் நீராடி, வாயிலை
அடைந்து - திருவாயிலை அடைந்து, உடலம் மண்ணுற விழுந்து - உடல்
மண்ணிற்றோயுமாறு விழுந்து வணங்கி, வேய் இலை அடைந்தவர்
மெய்ப்புகழை வழுத்தா - மூங்கிலாகிய திருக்கோயிலை அடைந்த
அவ்விறைவரது உண்மையமைந்த புக ழினைத்துதித்து.

     நெல்லைப்பதியில் மூங்கிலிற்றோன்றினா ராதலின்
‘வேயிலையடைந்தவரை’ என்றார். அடைந்தவரை என்பதிலுள்ள
ஐகாரத்தைப் பிரித்துப் புகழ் என்பதனோடு கூட்டுக; புகழ் வழுத்தா
என்பதை ஒரு சொல்லாகக் கொண்டு இரண்டாவதற்கு முடிபாக்கலுமாம். (33)

     (இ - ள்.) ஆலயம் மருங்கு வலமாக வருவார் - அத்திருக்கோயிலின்
கண் வலமாகவரும் அவ்வாதவூரடிகள், முன் - முன்னொரு காலத்தில்,
மூலம் மறை ஓதி முடியாத பொருள் தன்னை - முதனூலாகிய மறையினை
ஓதியும் அறிய முடியாத பொருளை, சீல முனிவோர் தெளிய -
தவவொழுங்கினை யுடைய சனகாதி முனிவர்கள் தெளியுமாறு, மோனவழி
தேற்றும் கோலம் உறைகின்றது - மௌனநெறியினாற் றெளிவித்த
திருக்கோலம் வீற்றிருக்கப் பெற்றதாகிய, ஓர் குருந்தை எதிர் கண்டார் -
ஒரு குருந்த மரத்தினை எதிரே கண்ணுற்றார்.

     மோனவழி தேற்றுதல் - திருவாய் மலர்ந்தருளாது மோன
முத்திரையத்தனாய் இருந்து காட்டுதல்; கடவுள் வாழ்த்தானுமறிக. ஆல்
நிழலில் நால்வர்க்கு ஒளி நெறி காட்டிய அக்கோலத்துடனேயே இங்கே
குருந்தினிழலில் எழுந்தருளி யிருந்தாரென்க. (34)