எனவும் வரும் தமிழ் மறைகள் இங்கே சிந்திக்கற் பாலன. முதல் இடை
ஈறு என்பதற்குச் சிருட்டி திதி சங்காரம் என்னும் முத்தொழிலும், இறப்பு
நிகழ்வு எதிர்வு என்னும் முக்காலமும,் முதல் இடை கடை என்னும்
மூவிடமும் கொள்க (40)

     (இ - ள்.) இத்தகைப் பல தொண்டர் தம் குழாத்திடை - இத்தன்மை
யுடைய பல அடியார் கூட்டத்தின் நடுவில், ஆலம் ஒத்த பைங்குருந்தினில் -
கல்லால மரம் போன்ற பசிய குருந்த மரத்தினடியில், யோக ஆசனத்தில் -
யோகா சனத்தில், புத்தகத்து எழுதிய சிவஞான மெய்ப்போதம் -
உண்மையாகிய சிவஞான போதம் எழுதிய சுவடியினை, கைத்தலம்
தரித்திருப்பதோர் கருணையைக் கண்டார் - திருக்கரத்தின்கண்
தாங்கியிருக்கும் ஒரு அருள் வடிவத்தைக் கண்டனர்.

     யோகவாசனம், தமிழ் நூன் முடிபு. எழுதிய புத்தகத்தை என்க. (41)

     (இ - ள்.) அன்று நாயகன் குறிப்பு உளத்து உணர்த்திட - அங்ஙனங்
கண்ட காலை இறைவனது திருவருட் குறிப்பு உள்ளத்தின்கண்
உணர்த்தியருளுதலால், இன்று நாயினேற்கு எளிவந்த இவ்வுரு - இப்பொழுது
நாயேனுக்கு எளி வந்த இக்கருணை வடிவமானது, மன்றுள் ஆடிய ஆனந்த
வடிவமும் - அம்பலத்திலே திருக் கூத்தாடி யருளிய இன்பவடிவமும்,
வடவால் ஒன்றி - கல்லாலின் கீழிருந்து, நால்வருக்கு அசைவு அற
உணர்த்திய உருவும் - சனகாதி முனிவர் நால்வருக்கும் மன அசைவு
நீங்குமாறு உணர்த்தி யருளிய வடிவமுமே, என்னா அறிந்தார் - என்று
உணர்ந்தார்.