அசைவற என்பதை இரட்டுற மொழிதலாக்கி. அசைவற இருந்து
உணர்த்திய என்றுங் கொள்க. திருவருள் முன்னின் றுணர்த்தச் சிவத்தை
யுணரு முணர்ச்சி கைகூடிற்றென்பார். ‘நாயகன் குறிப்புளத்துணர்த்திட
வறிந்தார்’ என்றார். (42)

     (இ - ள்.) துன்ப வெம்பவ வலை அறுத்திட வந்த தொண்டர் -
துன்பமயமாகிய கொடிய பிறவி வலையினை அறுத்தற்கு வந்த தொண்டராகிய
வாதவூரடிகள், முன்பணிந்தனர் - திருமுன்னர் வணங்கி, முடிமேல் அஞ்சலி
அணிந்தனர் - தலைமேற் கைகளைக் குவித்து, என்பு நெக்கிட உருகினர் -
என்பு நெக்குவிட உருகி, இனியராய் எளிவந்து அன்பு எனும் வலைப்பட்டவர்
- இனியராகி எளிவந்து அடியார் அன்பாகி வலையிற்பட்ட அவ்விறைவரது,
அருள் வலைப்பட்டார் - அருளாகிய வலையின்கட் பட்டனர்.

     பணிந்தனர், அணிந்தனர், உருகினர் என்பன முற்றெச்சங்கள்;
முற்றாகவே யுரைத்தலுமாம். பின்னிரண்டடியின் நயம் மிக்க இன்பம்
விளைப்பதாகும். (43)

     (இ - ள்.) காலமும் - தீக்கைக் குரிய நல்லோரையும், கனாக்
காட்சியும் - கனாத் தோற்றமும், நிமித்தமும் - நன்னிமித்தங்களுமாகிய
இவற்றையறிந்து செய்தற்குரிய பக்குவத்தினை, கடிந்தார் சீலமாணவர்
செவ்விதேர் - நீங்கியாராகிய ஞானவொழுக்கத்தினையுடைய மாணவரது
பக்குவத்தை நன்கு அறியும், தேசிகன் என்ன - ஞானாசிரியன் என்று
அறிஞர் கூறுமாறு, மூல ஆகமம் ஓதினான் - மூலாக மங்களை அருளிச்
செய்த அவ்விறைவன், முறுக்கு அவிழ் கழுநீர்மாலை சாந்து அணிந்து -
கட்டவிழ்ந்த செங்கழுநீர் மாலையையும் சந்தனத்தையும் அணிந்து,
அடியின்மேல் வன்கழல் வீக்கி - திருவடியின்மேல் வலிய வீரக் கழலைக்
கட்டி.

     காலம் - தீக்கைக்கு விதித்தகாலம். கானாக்காட்சி - ஆசிரியன்
மாணாக்கனைப் பல முகத்தானும் சோதித்த பின்னர்த் தீக்கைக்குக் குறித்த
நாட்கு முதல் நாளிரவு தூய நிலத்தில் தருப்பைப் படுக்கையில் அவனைத்
துயிலச் செய்ய அப்போது அவன் காணும் கனவு; அது நன்றாயின்
அங்கீகரித்தும் தீதாயின் அதன் பொருட்டு ஆகமத்திற் சொல்லப்பட்ட

     (பா - ம்.) நிமித்தமுங் கருதார்.