கழுவாய் புரிந்தும் தீக்கை செய்வர் என்பர். நிமித்தம் பல்லி முதலியவற்றால்
உணர்த்தப்படும் நற்சகுனம்;

என்பது திருவாதவூரர் புராணம். கழுநீர் மாலை யணிந்தமை

என அடிகள் தாமே கூறுமாற்றானும் அறியப்படும். (44)

     (இ - ள்.) அண்ணல் வேதியர் - பெருமை பொருந்திய
மறையவராகிய வாதவூரடிகளின், ஒழுக்கமும் அன்பும் கண்டு -
ஞானவொழுக்கத்தினையும் அன்பினையும் பார்த்து, யாக்கை உள் நிலாவு
உயிர் பொருள் புனலுடன் கவர்ந்து - உடலையும் அதனுள் உலாவும்
உயிரையும் பொருளையும் தான நீருடன் ஏற்று, உள்ளக் கண்ணினால் மலம்
கழீஇ - அக நோக்கினால் மலமாசினைக் கழுவி, பத கமலமும் சூட்டி -
திருவடித் தாமரையையும் முடியிற் சூட்டி, வண்ணம் மாமலர்ச் செங்கரம் -
அழகிய தாமரை மலர்போன்ற சிவந்த திருக் கரத்தினை, சென்னிமேல்
வையா - முடியின்மேல் வைத்து.

     உள்ளக் கண்ணினால் மலங்கழீஇ என்றது மானத தீக்கை. பத
கமலமுஞ் சூட்டி என்றது திருவடி தீக்கை. செங்கரஞ் சென்னிமேல் வையா
என்றது அத்த மத்தக சையோகமெனப்படும் பரிச தீக்கை உள்ளக்
கண்ணினால் என்பதற்கு ஒளத்திரியின் ஞான தீக்கையால் என
உரைத்தலுமாம்; ஞானதீக்கைக் குரியார்க்கும் பரிச தீக்கை விலக்கின்
றென்க; தீக்கை வகைகளை,