குறிப்பு. எத்தல் - விரகுசெய்தல்; ஏமாற்றலுமாம். இருத்தி - இருப்பாய்;
இ விகுதி எதிர்காலங் காட்டிற்று. (53)

     (இ - ள்.) கனவில்வரும் காட்சி என - கனவிற்றோன்றும் தோற்றம்
போல, கருணைமூர்த்தி காட்டி மறைத்தலும் - அருள்வடிவினராகிய இறைவர்
தமதுரு வைக்காட்டி மறைத்தவளவில், அன்பர் - வாதவூரடிகள், கலக்கத்து
ஆழ்ந்து - துன்பக்கடலுள் அழுந்தி, நாதன் இன்று நினைவு அரிய திருமேனி
காட்டி - இறைவன் இன்று நினைத்தற்கரிய தனது திருமேனியைக்
காண்பித்து, ஞமலிக்கு தவிசு இட்ட நலம் போல் - நாய்க்குத் தவிசு அளித்து
நலம்பட ஆண்டமை போல, என்னை ஆண்டு - என்னை ஆண்டருளி,
நீத்தது - நீங்கியருளியது, நனவு கொல்லோ கனவு கொல்லோ என்று ஐயுற்று
- நனவோ அன்றிக்கனவோ என்று ஐயுற்று, நெஞ்சம் தேறி - (பின் நனவே
என) மனந்தெளிந்து, எந்தாய் - எம்தந்தையே, இன அடியாருடன் கூட்டாது
- உன் இனமாகிய அடியாரோடு சேர்க்காமல், என்னையும் என்
வினையையும் இங்கு இருத்தி ஏகினாயோ - அடியேனையும் அடியேன்
வினையையும் இங்கு இருத்திச் சென்றனையோ.

     ஞமலிக்குத் தவிசிட்ட நலம்போல் என்ற கருத்து,

எனவும்,

எனவும் திருவாசகத்துள் வருதல் காண்க. நினைவரிய திருமேனி காட்டி
ஆண்டமையை

எனவும்,