என்னுந் திருக்குறளாலறிக; நித்தத்திற் றாழ்வு தீரச் செய்யப் படுதலின்
நைமித்திகம் சிறப்பு எனப்படும். (64)

     (இ - ள்.) எல்லை கூறிய குளிர்மதி அடுக்க வந்து எய்த -
எல்லையாகக் கூறிய ஆடித் திங்கள் பொருந்த வந்து அடைய, மல்லல்
யானையான் - மதவள முடைய யானையை யுடைய பாண்டியன். இன்னமும்
வயப்பரி வந்தது இல்லை - இன்னும் வெற்றி பொருந்திய குதிரைகள்
வரவில்லை; இது என் என ஓலையும் எழுதி - இதற்குக் காரணம் என்ன
வென்று ஓலையும் வரைந்து, வாதவூர் அமைச்சர் தம் திருமுன் செல்ல
உய்த்தனன் - வாதவூரராகிய அமைச்சரின் திரு முன்னர்ச் செல்ல
விடுத்தான்.

     குளிர்மதி - கடகமாதம். ஆடித்திங்கள்; குளிர் - ஞெண்டு; கற்கடகம்.
இல்லையால், ஆல் அசை. வாத வூரராகிய அமைச்சர் என விரிக்க;
வாதவூரிற் றோன்றியவராகிய அமைச்சர் என்றுமாம். (65)

     (இ - ள்.) மன்னவன் திருமுகம் கண்டு - பாண்டியனது ஓலையைப்
பார்த்து, முறைமையால் வாங்கி - முறைப்படி வாங்கி, அன்ன வாசகம்
தெரிந்து கொண்டு - அதிலுள்ள வாசகத்தைத் தெரிந்து கொண்டு, ஆதிஈறு
இல்லா முன்னவன் - முதலு முடிவு மில்லாத முன்னவனாகிய இறைவனது,
திருவருட் கடல் முழ்கிய முனிவர் - திருவருட் கடலுள் மூழ்கிய
முனிவராகிய மணிவாசகனார், என்னை வேறு இனிச் செய்யுமாறு என்று
நின்று அயர்வார் - இனிச் செய்யும் வழி வேறு என்னை யெனக் கருதி
நின்று சோர்வாராகி.

     திருமுகவாசகம் வாதவூரடிகள் புராணத்தில்,