வம்மின் - விரைந்து வாருங்கள்; அன்பரை - மணிவாசகனாரை, வேந்து
ஒறுக்கும் நோய் களைவான் என - பாண்டியன் ஒறுக்குந் துன்பத்தினைப்
போக்குதற்பொருட்டு வருதல் போல, ஒருவன் நும்பிறவி அறுக்கவந்தனன் -
இறைவன் நுமது பிறப்பினை ஒழிக்க வந்தனன்; என்ப போல் - என்று
சொல்லுவபோல், பரிச்சிலம்பு அலம்ப - குதிரைச் சிலம்புகள் ஒலிக்கவும்.

     இம்மென, விரைவுக் குறிப்பு.

என்னும் திருவாசகம் இங்கே சிந்திக்கற் பாலது. ஒருவனும் எனக்
கொண்டுரைத்தலுமாம். இது தற்குறிப்பேற்றவணி. (39)

     (இ - ள்.) கங்கையைச் சடை முடியின் மேல் கரந்தனை -
கங்கையைச் சடை முடியின்மேல் ஒளித்தருளினை; அவள் போல் எங்கள்
தம்மையும் கரந்திடு என்று இரந்து - அவளை ஒளித்தது போல எங்களையும்
ஒளித்தருளுவாயாக என்று குறையிரந்து, காவேரி துங்கபத்திரை ஆதியாம்
நதிகளும் - காவேரியும் துங்கபத்திரையு முதலாகிய நதிகளும், சூழப் பொங்கி
வீழ்வதுபோல் - சூழவும் பொங்கி வீழ்வன போல, ஒலியலும் கவரியும் புரள
- மேலாடையுஞ் சாமரையும் புரளவும்.

     ஒலியல் - ஈச்சோப்பி என்பாரு முளர்; ஈச்சோப்பி - ஈயோட்டுங்
கருவி. தற்குறிப்பணி. (40)

     (இ - ள்.) வாவி நாறிய வால் இதழ்த் தாமரை மலரோன் -
தடாகத்தின் கண் தோன்றிய தூய இதழ்களை யுடைய தாமரை மலரில்
இருப்பவனாகிய பிரமனது, நாவினாள் - நாவில் வசிக்குங் கலைமகள்,
உமை நாயகன் நான் மறை பரியா மேவினான் என - உமைகேள்வனாகிய
சோமசுந்தரக் கடவுள் நான்கு மறைகளையும் குதிரையாகக் கொண்டு
வந்தனன் என்று கருதி, தான்