இடும்பை தணிவிப்பான் - இன்று இந்த மறையவராகிய மந்திரியாரின்
துன்பத்தைத் தணிவித்தற் பொருட்டு, வந்தனர் கொல் என்பார் - வந்தனரோ
என்றுங் கூறுவார்.

     அமைச் சுரிமையும் தானைத் தலைமையும் ஒருங்குடையாரு
முளராகலின் ‘மந்திரி பொருட்டு’ என்றார். சௌந்தர சாமந்தர் பொருட்டு
இறைவன் பரியில் வந்தமையை முன் மெய்க்காட்டிட்ட படலத்திற் காண்க.
தணிவிப்பான், வினையெச்சம். (53)

     (இ - ள்.) இவன் காமன் கொல் - இக்குதிரை வீரனாகிய பேரழகன்
மதவேளோ, இவன் - (அன்றி) இவ்விளையோன், அறு கால் உழு கடப்பம்
தாமன் கொல் - வண்டுகள் கிளறுங் கடப்ப மாலையை யணிந்த முருகனோ,
இவன் - (அன்றி) நம்மனத்தைத் தனது மாயையினால் கவருமிவன்,
பொருதாரகனை வென்றோன் மாமன் கொல் - போர் புரிந்த தாரகனைக்
கொன்ற அம்முருகக் கடவுளின் மாமனாகிய மாயனோ, இவன் - (அன்றி)
பெரும் போகமுடைய இவன், மலை வன் சிறகு அரிந்த நாமன் கொல் என
- மலைகளின் வலிய சிறகினை அரிந்த இந்திரனோ என்று, நாரியர்
அயிர்த்தார் - பெண்கள் ஐயுற்றனர்.

     அறுகால் - ஆறாகிய கால்களை யுடையது; வண்டு. பொருதாரகனை
வென்றோன். சுட்டு மாத்திரையாகக் கொள்க. நாமன் - பகைவர்க்கு
அச்சத்தைச் செய்பவன். (54)

     (இ - ள்.) அடுத்திடுவர் கண்நிறைய அண்ணல் அழகு எல்லாம்
மடுத்திடுவர் - (அம்மகளிரிற் சிலர் அவ்வண்ணலை) அடுத்து அவன் அழகு
அனைத்தையும் கண்ணாகிய வாயினால் நிறையப் பருகுவர்; கைவளையை
மாலைவிலை என்னக்கொடுத்திடுவர் - கையிலுள்ள வளைகளை மாலைக்கு
விலையெனக் கொடுப்பர்; மாலைகள் கொடுத்திடுதி - நின் மார்பிலணிந்த
மாலைகளைக் கொடுப்பாயாக; அன்றேல் - கொடாயேல், எங்கள் வளை
எடுத்து - (அவற்றின் விலையாகக் கொடுத்த) எங்கள் வளைகளை எடுத்து,
எங்கள் கையில் இடுதி என்பார் - எங்கள் கையில் இடுவாயாக என்று
கூறுவர்.