யுடையனவாய், உரமும் கண்டமும் பைத்திடும் அராப்படம் போன்ற -
மார்பும் மிடறும் பரந்த பாம்பின் படம் போன்றனவாய குதிரைகள், பாடலம்
- பாடலமெனப் பெயர் பெறும்.

     நாவினவும் உயர்ந்தனவும் எயிற்றினவும் போன்றனவும் ஆகிய
குதிரைகள் என விரித்துரைத்தலுமாம். குளம்புகள் உயர்ந்த, உரமும்
கண்டமும் அராப்படம் போன்ற எனச்சினை வினைகள் முதலோடு
பொருந்தின. இது பாடலம் என்னும் குதிரையின் இலக்கணம் கூறிற்று. (88)

     (இ - ள்.) அகலியநுதலின - அகன்ற நெற்றியை யுடையனவாய்,
ஆய்ந்த குஞ்சிபோல் நிகர் அறுகொய்யுளை - சிக்கறுத்த மயிர் போல
(வாய்ந்து) ஒப்பற்ற புறமயிர், நிறம் ஒன்று ஆயின - ஒரே நிறம்
வாய்ந்தனவாய், புகர் அறு கோணம் மூன்று ஆகி - குற்றமற்ற மூன்று
கோணமுடைய தாய், பொற்பு உறு முகம் உடையன - அழகு பொருந்திய
முகத்தை யுடையன வாய குதிரைகள், வயம் மொய் கொள்கோடகம் -
வெற்றியும் வலியுமுடைய கோடகம் எனப்பெயர் பெறும்.

     கொய்உளை - கத்தரித்த பிடரிமயிர். முக்கோணமாகிப் பொற்புறும்
முகம் என்க. மொய் - வலிமை. இது கோடகம் என்னும் குதிரையின்
இலக்கணம் கூறிற்று. (89)

     (இ - ள்.) முட்டிய சமரிடை - நெருங்கிய போரின்கண், முகத்தில்
வாளினால் வெட்டினும் - தம் முகத்தில் வாளினால் வெட்டினாலும்,
எதிர்ப்பதாய் - எதிர்த்துப் போர் புரிவதாய், குரங்கு வேங்கை தோல் -
குரங்கும் புலியும் யானையும், பட்டிமை நரி அரிசரபம் பாய்முயல் -
வஞ்சகமுள்ள நரியும் சிங்கமும் சரபப்புள்ளும் பாய்கின்ற முயலுமாகிய
இவற்றின், எட்டிய கதியின - மிக்க கதியினையுடைய குதிரைகளை, இவுளி
என்ப - இவுளி என்று கூறுவர்.

     தோல் - யானை. பட்டிமை - படிறு. சரபம் - சிம்புள். எதிர்ப்பதாய்
கதியின என ஒருமையும் பன்மையும் விரவிவந்தன. இஃது இவுளி என்னும்
குதிரையின் இலக்கணம் கூறிற்று. (90)