(இ - ள்.) உன்னதம் நீளம் உண்டாகி - உயரமும் நீளமுமுடையதாய்,
சங்கு வெண் கன்னலின் - சங்கும் வெள்ளைச்சருக்கரையும் போல, வாலிய
விலாழி கால்வதாய் - வெண்மையாகிய வாய் நுரையைக் கக்குவதாய்,
தனிபின்னமாகிய வன்னம் பெற்று - ஒப்பற்ற பிங்கல நிறம் பெற்று,
மைவன்னமும் உடையது - அதனோடு கருநிறமு முடைய குதிரை,
வன்னியாவது - வன்னி என்று சொல்லப்படுவதாகும்.

     பொருந்திய உயரமும் நீளமும் உடையதாகி என்க. இது வன்னி
என்னும் குதிரையின் இலக்கணம் கூறிற்று. (91)

     (இ - ள்.) திணிதரு கழுத்தினில் - திண்ணிய கழுத்தில், சிறந்த
தெய்வத மணி உளதாகி - சிறந்த தெய்வமணியுள்ளதாய், எண்மங்கலத்தாய் -
அட்டமங்கல முடையதாய், அணிதரு பஞ்சகல்யாணம் உள்ளதாய் - அழகிய
பஞ்சகல்யாண முள்ளதாய், குணிதரு நீரது - இங்ஙனம் வரையறுக்கப்பட்ட
பெற்றியையுடைய பரி, குதிரை ஆவது - குதிரை என்னும் பெயருடையதாகும்.

     தெய்வமணி - கழுத்தில் வலமாகச் சுழித்திருக்கும் சுழி; இதனை
இப்படலத்து 111-ம் செய்யுளிலும், எண்மங்கலம், பஞ்சகல்யாணம் என்பவற்றின்
இலக்கணங்களை 10-ம் செய்யுளிலும் காண்க. குதிரை யென்பது ஓர்
வகைக்குச் சிறப்புப் பெயருமாயிற்று. இது குதிரை என்னும் குதிரையின்
இலக்கணம் கூறிற்று. (92)

     (இ - ள்.) குங்குமம் கருப்புரம் கொழுந்திண்கார் அகிற்பங்கம்
மான்மதம் என - குங்குமமும் கருப்பூரமும் கொழுவிய திண்ணிய கரிய
அகிற்குழம்பும் மான் மதமுமாகிய இவற்றின் மணமென, கமழும் பாலதாய் -
நறுமணங்கமழும் பான்மையை யுடையதாய், சங்கமும் மேகமும் சரபமும் -
சங்கும் முகிலும் சிம்பும் பள்ளும. கொடுஞ் சிங்கமும்போல் ஒலிசெய்வது -