குதிரைகள் வான்மீக நாட்டிலுள்ளவை; இக் கந்துகம் சிந்து - இக்குதிரைகள்
சிந்து நாட்டிலுள்ளவை; இக்கனவட்டம் துளங்கு இல்பாஞ்சாலம் -
இக்குதிரைகள் (பகைவரால்) கலங்குதலில்லாத பாஞ்சால நாட்டிலுள்ளவை;
இக்குதிரை துளுவம் - இக்குதிரைகள் துளுவ நாட்டிலுள்ளவை; இத்துரகம்
களங்கம் இல் இமயம் - இக்குதிரைகள் குற்றமில்லாத பனிமலையி
லுள்ளவை; இக்கற்கி பருப்பதம் - இக்குதிரைகள் திருப்பருப்பதத்திலுள்ளவை;
இம்மண்டிலம் கலிங்கம் - இக்குதிரைகள் கலிங்க நாட்டிலுள்ளவை.

     குரங்கல் - வளைதல். குரங்குளை, ஆகுபெயர். இப்பரி காம்போசம்
என்றாற் போல் வருவனவெல்லாம் பிறந்த வழிக்கூறல் என்னும்
ஆகுபெயராகும். இது முதல் நான்கு செய்யுட்களில் குதிரையின் பரியாயப்
பெயர்கள் பலவற்றையும் ஆசிரியர் எடுத்தமைத்திருக்கும் திறன்
பாராட்டற்குரியது. (104)

     (இ - ள்.) இந்தப் பாடலம் ஆரியம் - இக்குதிரைகள் ஆரிய
நாட்டிலுள்ளவை; இந்த அச்சுவம் கூர்ச்சரம் - இக்குதிரைகள் கூர்ச்சர
நாட்டிலுள்ளவை; இந்தச் சீரிய துரங்கம் கேகயம் - இந்தச் சிறந்த குதிரைகள்
கேகய நாட்டிலுள்ளவை; இந்தத்திறல் உறு கொய்யுளை யவனம் - இந்த
வலிமிக்க பிடர்மயிரை யுடைய குதிரைகள் யவனநாட்டிலுள்ளவை;
இக்கொக்கு வேரி அம்பணை சூழ் மக்கம் - இக்குதிரைகள் மணம் நிறைந்த
அழகிய வயல்கள் சூழ்ந்த மக்க நாட்டி லுள்ளவை; இந்தப்போர் இயல்
இவுளி விரிபொழில் வனாயுசம் - போர்புரியும் வன்மை அமைந்த
இக்குதிரைகள் விரிந்த பொழில் சூழ்ந்த வனாயுச நாட்டிலுள்ளவை; இந்தப்
பொலம்புனைதார் நெடும் பாய்மா பல்லவம் - இந்தப் பொன்னாலாகிய
அழகிய கிண்கிணிமாலை யணிந்த நீண்டபாய்கின்ற குதிரைகள் பல்லவ
நாட்டிலுள்ளவை. (105)

     (இ - ள்.) இக்கோரம் கற்றவர் புகழ் சவ்வீரம் - இக்குதிரைகள்
புலவர் புகழுஞ் சவ்வீர நாட்டிலுள்ளவை; இவ்வன்னி கன்னிமாராட்டம் -
இக்குதிரைகள் அழியாத மாராட்ட நாட்டிலுள்ளவை; இந்தக் கோடகம்
கொற்றவர் பயில் வாசந்தி கம் - இக்குதிரைகள் மன்னர்கள்வதியும் வாசந்திக
நாட்டிலுள்ளவை; இவ்வயம் காடு அகம் கன்னல் உற்ற கான்மீரம் -

     (பா - ம்.) * குர்ச்சரம்