இக்குதிரைகள் காட்டிட மெல்லாம் கரும்புகள் நிறைந்த கான்மீர
நாட்டிலுள்ளவை; இந்த உத்தமகோணம் மாளவம் - இந்த மேலான
குதிரைகள் மாளவநாட்டிலுள்ளவை; இவ் வெற்றிசேர் குந்தம் கந்தரம்
-இவ்வெற்றி பொருந்திய குதிரைகள் கந்தரநாட்டிலுள்ளவை; இந்த
விறல்புனை அரி சவுராட்டம் - இந்த வெற்றியும் அழகுமுள்ள குதிரைகள்
சவுராட்ட நாட்டிலுள்ளவை.

     மாராட்டம் - மகாராஷ்டிரம். கான்மீரம் - காஸ்மீரம். இவ்வயம் -
இந்த அயம். சவுராட்டம் - சௌராஷ்டிரம். (106)

     (இ - ள்.) வேய்மிகுகிள்ளை - ஒப்பனைமிக்க இக்குதிரைகள், விரிபொழில் சாலி - விரிந்த சோலைசூழ்ந்த சாலிநாட்டிலுள்ளவைகள்; இந்தத்துரகதம் வேறு தீவாந்தரம் - இந்தக்குதிரைகள் வேறு தீவாந்தரங்களிலுள்ளவை; இந்தக்குரகதம் கொண்டல் சூழ் குருக்கேத்திரம் - இக்குதிரைகள் முகில்சூழ்ந்த குருக்கேத்திரத்திலுள்ளவை; இன்னபரவு பல்வேறு தேயமும் உள்ள பரி எலாம் - ‘இந்தப்பரந்த பல்வேறு வகைப்பட்ட தேயங்களிலுமுள்ள குதிரைகளையெல்லாம், இவன் தருபொருளின் விரவிய நசையால் - இவ்வாதவூரன் கொடுத்த பொருளினாற் போந்த விருப்பத்தால், இவர் கொணர்ந்து வந்தார் - இவர்கள் கொண்டு வந்தனர்; வேந்தகேள் - மன்னனே கேட்பாயாக; இந்த வாம்பரியுள் - இந்தத்தாவுங் குதிரைகளுள்.

     வேய் - ஒப்பனை. குருக்கேத்திரம் - குருக்ஷேத்திரம்.