(இ - ள்.) வெண்ணிறம் சிவப்பு பொன்னிறம் கறுப்பு நான்கு -
வெள்ளை நிறமும் சிவப்பு நிறமும் பொன்னிறமும் கருப்புநிறமுமாகிய
இந்நான்கும், வேறு அற விரவிய வண்ணம் உள்ளனவும் - வேறுபாடு
இன்றிக் கலந்த நிறத்தையுடைய குதிரைகளும், வேறு வேறு ஆய மரபும் -
அந்நிறங்களைத் தனித்தனியுடைய குதிரைகளும், ஐவண்ணமும் வந்த -
ஐந்து நிங்களையுடைய குதிரைகளும் வந்தன. எண்ணிய இவற்றின் -
மதிக்கத்தக்க இக்குதிரைகளின், சிறப்பு இலக்கணத்தை இயம்புதும் கேள்
என - சிறப்பிலக்கணங்களைக் கூறுவோம் கேட்பாயாக என்று, இகல்காய்
அண்ணல் அம் களிற்றாற்கு - பகைவரைச் சினக்கும் பெருமையும்
அழகுமுடைய யானையினையுடைய பாண்டியனுக்கு, அருமறைப் பரிமேல்
அழகியார் - அரிய வேதப்பரிமேல் வந்தருளிய விடங்கர், அடைவுற
விரிப்பார் - முறைப்பட விரித்துக் கூறுவார்.

     ஐவண்ணம், ஆகுபெயர். (108)

     (இ - ள்.) வெளி நித்திலம் பால் சந்திரன் - வெள்ளியும் முத்தும்
பாலும் மதியும், சங்கு வெண்பனி போல்வது - சங்கும் வெள்ளிய பனியும்
போன்றது, துள்ளிய வெள்ளைப் புரவி - தாவுகின்ற வெள்ளைக்குதிரையாகும்;
மாதுளம் போது சுகிர்ந்த செம்பஞ்சியின் குழம்பின் - மாதுளம் பூவும் சீவிய
செம்பஞ்சியின் குழம்பும் போல, தெள்ளிய நிறத்த செம்பரி - தெளிந்த
நிறத்தினையுடையவை சிவப்புக் குதிரைகளாகும். மாமை சிறைக்குயில் வண்டு
கார் முகில்போல் ஒள்ளிய கரிய பரி - கரிய மையும் சிறையையுடைய
குயிலும் வண்டும் கரிய முகிலும்போல ஒளியையுடையன
கருங்குதிரைகளாகும்; எரி அழல் ஆன்உரோசனை நிறத்தபொன் பரி -
எரிகிற் அனலும் கோரோசனையும் போன்ற நிறமுடையன பொன்மைக்
குதிரைகளாகும்.

     எண்ணும்மைகள் தொக்கன. நிறத்த, ஒள்ளிய என்பன குறிப்புவினைப்
பெயர்கள். மா - கருமை. ஆன்உரோசனை - கோரோசனை. (109)