(இ - ள்.) பிரிவு உற உரத்தில் ஐஞ்சுழி உளது - (ஒன்றோ டொன்று
நெருங்காமல்) பிரிவினைப் பொருந்த மார்பின்கண் ஐந்து சுழியுள்ள குதிரை,
பேர் சிழீவற்சமாம் - சிரீவற்சம் என்னும் பெயருடையதாகும்; நுதலில் இருசுழி
ஆதல் முச்சுழி ஆதல் இருக்கினும் நன்று - நெற்றியின் கண் இரண்டு
சுழியாவது மூன்று சுழியாவது இருந்தாலும் நலமாகும்; அது அன்றேல் -
அங்ஙனமில்லையானால், ஒருவு அற நான்கு சுழிவலம்புரியா உள்ளது நல்லது
- நீங்குதலின்றி (ஒன்றோடொன்று தொடர்ந்து) நான்கு சுழி வலம்புரியாக
இருப்பது நன்மையாம்; அன்றி - அல்லாமல், முன்னம் கால்களின் மூலத்து -
முன் கால்களின் அடியில், இருசுழி இருப்பினும் நல்லது என்று இசைப்பார் -
இரண்டு சுழி இருந்தாலும் நலமென்று கூறுவர்.

     ஆதல் - ஆவது; இடைச் சொல். (112)

     (இ - ள்.) களம் நடு இரட்டைச் சுழியுடைப் பரி - கழுத்து நடுவில்
இரட்டைச் சுழியினையுடைய குதிரை, தன் கருத்தனுக்கு அறமிடி காட்டும் -
தன்தலைவனுக்கு மிகவும் வறுமையை உண்டாக்கும்; அளவு அறு துன்பம்
மரணம் உண்டாக்கும் - (இன்னும்) அளவிறந்த துன்பத்தினையும்
மரணத்தினையும் உண்டாக்கும்; அவை கணைக் கால் உளவாகில் -
அச்சுழிகள் கணைக்காலிலுள்ளனவாயின், பயம் துன்பம் நிகளபந்தனம் உள
- அச்சமும் துன்பமும் விலங்கு பூணுதலும் உளவாகும்; மேல் உதடு முன்கால்
அடி கபோலம் வளர் முழந்தாள் - மேலுதடும் முன்காலின் அடியும்
கபோலமும் வளர்ந்த முழந்தாளுமாகிய, இந்நான்கினும் சுழிகள் மன்னினும்
தலைவனை வதைக்கும் - இந்நான்குறுப்பினும் சுழிகள் இருந்தாலும்
தலைவனைக் கொல்லும்.

     உளபயம் - மனோபயம் என்றுமாம். (113)

     (இ - ள்.) இச்சுழி உடைய புரவி - இந்தக் குற்றமுள்ள
சுழியினையுடைய குதிரைகள், பந்தியில் யாத்து இருக்கினும் - பந்தியில்
கட்டப்பட்டிருப்பினும், பழுது - தீங்குவிளையும்; இவை கிடக்க - இவை
நிற்க; அச்சம் இல்பரிக்குப் பிராயம் நாலெட்டாம் - போரின்கண்
அஞ்சுதலில்லாத குதிரைக்கு வயசு முப்பத்திரண்டாகும்; அவத்தை பத்து
ஆகும் - பருவம் பத்தாகும்; ஒவ்வொன்றில் வைச்சது - ஒவ்வொரு