(இ - ள்.) முடங்கு கால் உடைச் சம்புவும் - வளைந்த காலினை
யுடைய நரிகளும், மூப்பு அடைந்து ஆற்றல் அடங்கும் ஓரியும் - மூப்புற்று
வலி ஒடுங்கிய நரிகளும், கண் குருடாகிய நரியும் - கண் தெரியாத
நரிகளும், ஒடுங்கி நோய் உழந்து அலமரும் இகலனும் - உடல் இளைத்து
நோயினால் வருந்திச் சுழலும் நரிகளும், ஓடும் இடங்கள் கண்டில - ஓடும்
வழிகளைக் காணாதவைகளாய், பந்தியில் ஏங்கிக் கிடந்தன -
மந்துரையிலேயே மனமேங்கிக் கிடந்தன.

     முடங்குகால் - முடம் பட்ட கால். சம்பு, ஓரி, இகலன் என்பன நரி
என்னும் பொருள் குறித்த பல பெயர்த் திரிச்சொல். (20)

     (இ - ள்.) சில - சில நரிகள், கிட்டி ஓடினர் வெருட்டுவோர் கீழ்விழ
- தம்மை நெருங்கி ஓடி வந்து அச்சுறுத்துவோர் கீழே விழுமாறு,
கடித்துத்தட்டி ஓடுவ - கடித்து அவர் கையில் அகப்படாமல் ஓடுவன; சில
எதிர் தடுப்பவர் அடிக்கீழ் ஒட்டி ஓடுவ - சில நரிகள் எதிரே வந்து தடைப்
படுத்துகின்றவரின் காலின் கீழே பதுங்கி ஓடுவன; சில - சில நரிகள், கிடந்து
ஊளையிட்டு வருந்துகின்ற குட்டிகளை அணைத்து, எயில் இறக்குதிப்பன -
மதில் சிதைவுபடக் குதிப்பன.

     தட்டி - தவறி. குட்டியோடு, வேற்றுமை மயக்கம். (21)

     (இ - ள்.) மறம்புனைந்த வேல்மீனவன் மாளிகைதள்ளி -
வெற்றிமாலை சூடிய வேற்படை யேந்திய பாண்டியனது மாளிகையைக்
கடந்து, புறம்பு அடைந்த இந்நரி எலாம் - வெளியே சென்றடைந்த
இந்நரிகளெல்லாம், பொய்கை உய்யானம் - குளக்கரையும்
பூந்தோட்டங்களும், அறம் பயின்ற நீண்மனை - அறம் விளங்கும் நெடிய
சாலைகளும், மறுகு ஆலயம் கவலைத் திறம் படர்ந்த - வீதிகளும்
திருக்கோயில்களும் சந்தி வகைகளும்

     (பா - ம்.) * ஒடுங்கு : நோய்.