(சிலநரிகள்) வீட்டிற் றூங்கிய பிள்ளைகளைக் கொண்டு போய், நறவு
நாறிய குமுதவாய் நகை எழ நக்கி - தேன் ஊறும் குமுதமலர் போன்ற
வாயினின்றும் புன்னகை தோன்ற நக்கி, உறவுபோல் விளையாடுவ -
உறவைப்போற் கருதி விளையாடுவன; ஊறு செய்யா - துன்பஞ்
செய்யமாட்டா.

     பூ - பூப்போலும் சூட்டு; உச்சிக்கொண்டை. வாருதல் - அள்ளுதல்;
கவர்தல். பிள்ளை - மக்கட்குழவி. இறைவன் திருவருட் குறிப்பால்
குழவிகளை ஊறு செய்யாது விளையாடுவனவாயின. (27)

     (இ - ள்.) பல - பலநரிகள், முன்றில்வாய்ப்படர் பசுங்கொடியை
வேரொடு பறிப்ப - முற்றத்தின்கண் படர்ந்த பசுங்கொடிகளை வேரோடு
பிடுங்கி, நாகு இளம் காய் எலாம் கறிப்ப - அவற்றிலுள்ள மிக்க
இளமையாகிய காய்கள் அனைத்தையுங் கடித்து, கரும்பு தேன் கவிழ முறிப்ப
- தேன் கவிழ்ந்தொழுகுமாறு கரும்புகளை முறித்து, வாய் இட்டுக் குதட்டுவ -
வாயிற்போட்டுக் குதட்டி, வாய் வண்டு மொய்ப் பத்தெறிப்ப - வாயில்
வண்டுகள் மொய்க்கக் கீழே உமிழ்ந்து, ஊளையிட்டு ஆடுவ திரிவன -
ஊளையிட்டு விளையாடித்திரிவன.

     பறிப்ப முதலியவற்றை முற்றாகவே உரைத்தலுமாம். தண்மையும்
பொலிவுங் கருதி முன்றிலில் பசுங்கொடிகள் படரவிட்டிருப்பர்; அவரை
முதலிய கறிதருங் கொடியுமாம். கறித்தல் - கடித்தல். வண்டுவாய் மொய்ப்ப
வாயிட்டுக் குதட்டுவ எனக்கூட்டி யுரைத்தலும், தெறிப்ப என்பதற்குக்
குதிப்பன என்றுரைத்தலும் பொருந்தும். (18)

     (இ - ள்.) பொரிதிரிமருப்பு அடல்கெழு ஆயிரம் மேடம் -
பொருக்குப் பொருந்திய திருகியகொம்பினையுடைய வலிமிக்க ஆயிரம்
ஆட்டுக்கிடாய்களையும், கருந்தாது நேர் ஆக்கைய ஆயிரம் ஏனம் -
இரும்பினை ஒத்த உடலையுடைய ஆயிரம் பன்றிகளையும், கவிர் அனைய
சூட்டு அவிர்தலை ஆயிரம் கோழி - முண்முருக்குமல ரொத்த சூட்டு
விளங்குந்தலையினை யுடைய ஆயிரங்கோழிகளையும், ஆயிரம் குறும்
பார்ப்பொடும் - சிறிய ஆயிரம் கோழிக்குஞ்சுகளையும், ஆர் உயிர் செகுப்ப
- அவற்றின் அரிய உயிரினைப் போக்கிக் கொல்வன.